Од националниот парк напомнуваат дека се градат бесправни објекти во континуитет. Досега од пристигнатите 471 барање за легализација дале негативни мислења за 10 објекти. За 29 објекти во близина на Трпејца. кои се во постапка на легализација, воопшто немаат добиено барање за мислење од националниот парк, а според нив треба да се срушат бидејќи се во строго заштитена зона.

Мила Царовска, министерката за образование, на денешната прес конференција презентирајќи го ресорниот буџет за следната година проектиран на 23 милијарди денари, рече дека во него се предвидени и пари за бесплатниот студентски оброк, проект кој започнува да се имплементира во 2021.

Јавноста бара правда за тешката сообраќајна несреќа на клучката кај хотелот Инекс која се случи минатата година. Социјалните мрежи се преплавени со трогателното сведоштво на Сташа Божиновска, едно од девојчињата кое ја преживеа страотната несреќа. Сообраќајката се случи на 16 август 2020 година. Во неа животот го загубија две 27-годишни момчиња од Битола, три девојчиња од Битола, Скопје и Струга беа тешко повредени, една од нив беше 200 денови во кома, а обвинетиот доби условна казна во времетраење од 4 години.

Во училиштата нема ширење на вирусот, a предвремен распуст е неаргументиран предлог, истакна на денешната прес конференција министерката за образование и наука Мила Царовска. Таа потенцира дека првото полугодие на учебната 2020 2021 ќе заврши на крајот на годинава, а второто ќе почне на 21 јануари 2021.

Младите музичари освоија специјални награди со инструментите пијано, флејта и виолина и се пласираа на  самиот врв  во силна конкуренција. Продолжуваат да го рангираат музичкото училиште меѓу најдобрите музички основни училишта во земјава.

Во текот на изминатото деноноќие (24/25.11.2020 година) на територијата на Република Северна Македонија, по однос на мерката за носење лична заштита на лице, регистрирани се 597 прекршоци.

Како член на членки на АДКОМ – Здружение на даватели на комунални услуги за Република Северна Македонија и охридското јавно претпријатие „Охридски Комуналец“ ќе добие еднократна финансиска помош од државата.

Оппштина Охрид од буџетот на државата ќе добие шест милиони денари за спроведување на препораките од УНЕСКО.