Очите на Ташула секој ден биле свртени кон  Имарет. Долго длабоко тагувала по своето чедо и тајните  мајчински чувства останале длабоко во нејзината душа……

Во Охрид на листата на невработени  најбројни се лицата  без квалификации.  И понатака има суфицит од  правници, економисти и менаџери по туризам и угостителство. Недостасуваат  лекари и фармацевти. Од Центарот за вработување информираат дека стагнира бројот на невработените лица во општина Охрид во споредба со минатата година.

„Законот за заштита на старото градско јадро“, попознат како закон за Охрид, во вторник влегува во собраниска процедура.  Со донесувањето на овој закон, не значи дека нема да се гради, туку дека тоа ќе се прави според дефинирани и јасни правила во насока на зачувување на автентичноста на Охрид, вели пратеникот Александар Николовски.

“Општата болница ,на чија огласна табла вчера осамна фотомонтажа на која раководството на СДСМ маршира во нацистички униформи,наместо вината за овој скандал да ја бара кај себе , ја обвини локалната самоуправа.“-Симон Илиески, портпарол на Локална самоуправа.

Новата патека од мостот до хотел Парк веќе не личи на нова. На неа можат да се забележат остатоци од храна, стакло и отпадоци. Пешаците кои секојдневно ја користат за рекреација бараат ЈП Комуналец да ја измие и да светне во полн сјај. Од Локалната ветуваат дека со координација помеѓу ЈП Комуналец и ЈП Нискоградба деновиве ќе се измие патеката.

Сликата на која раководството на СДСМ беше прикажано во нацистичка униформа ги разбранува страстите. Општа болница-Охрид во одбрана на својот интегритет. Велат контроверзната слика е лага и конструкција која ја подметнуваат СДСМ и Локалната.

Вработените во НП „Галичица“ се оставени три месеци без плата, по престанокот на манадатот  на двајца членови на Управниот одбор, алармира за состојбите во паркот, членот  на управниот одбор, Ванчо Костоски.

Традиционалниот Илинденски маратон, што се плива од Горица до грдаското пристаниште, годинава со неколку новини. Едната е тоа што стартната листа беше збогатена со пливачи од Бугарија и Полска, а најголемо изненадување како за организаторот така и за целокупната јавност, беше учеството на тројца млади пливачи од Здружението на граѓани за лица со дисфункција, хендикеп, ретки болести и посебни потреби „Дајте ни крилја“ од Скопје.