Според официјалните најнови податоци на Државниот завод за статистика, бројот на туристите во март 2020 година изнесува 17.943, а бројот на ноќевањата изнесува 41.948.

Медицинските сестри заедно со лекарите се на првата борбена линија со пандемијата и на 12 мај кога се одбележува Светскиот ден на сестринството. Годинава ќе изостане изборот за најхумана медицинска сестра и епитетот им припаѓа на сите нив кои се борат со Ковид 19. Медицинските сестри велат респектот кон професијата се зголемува и пациентите ја препознаваат нивната голема пожртуваност во борбата за спасување на човечки животи.

Здружението на пензионерите Охрид и Дебрца, денеска на Општинскиот Црвен крст му врачи одредена количина на заштитни маски за повеќекратна употреба.

Вo рамки на Неделата на Црвениот крст, од 8 до 15 мај, Црвен крст Охрид во соработка со Трансфузиолошкото одделение во Охрид организира крводарителска акција која ќе се реализира на 14.05.2020 (четврток) во просториите на Трансфузиологија во Охрид (Општа болница) во периодот од 8:30 до 12:30 часот.

Остри реакции и обвинувања на ВМРО ДПМНЕ за отчетот на градоначалникот на Општина Охрид, Константин Георгиески. 

По речиси две децении Општина Охрид конечно ќе има одблокирана сметка, а тоа ќе значи поголема функционалност, многу повеќе средства за капитални инвестиции и развојни проекти како и поедноставен пристап до европските фондови,  вели Градоначалникот Георгиески во видео отчет за сработеното во првата година од мандатот. Градоначалникот се пофали со , сериозни вложувања во инфраструктурата и образованието, добра кондиција на јавните претпријатија, и посветеност на процесот на исполнување на препораките на УНЕСКО.  
Убеден сум дека можеме да постигнеме  уште повеќе успеси и преку силно заедништво и соработка и во иднина ќе продолжиме да одиме напред, порачува Георгиски.

Современ апарат кој со УВ зраци ги уништува вирусите и бактериите во воздухот и на површините доби охридската општа болница. УВ Гард е донација од македонските иноватори Ивица Поцков и Никола Глигоров а со финансиска поддршка од Хотел Су како општествено одговорна компанија.

Работилници за основци од Охрид и Ресен под наслов „Чудесниот свет на безрбетниците“ по повод 63 години од постоењето на Национален Парк Галичица.