Непречено и без проблеми се одвива Изборниот процес во Охрид и регионот.

Во текот на изминатото деноноќие (15/16.06.2020 година) на територијата на Република Северна Македонија на 860 лица им се издадени решенија за изолација, а 199 лица потпишале изјави за самоизолација.

Започна акцијата за отстранување потпорни ѕидови, шанкови, метални конструкции и настрешници од крајбрежјето на Охридското Езеро. Денеска се отстрануваше урбана опрема на потегот од „Горица 3“ до Заводот за кардиоваскуларни заболувања Св Стефан.  Активностите се согласно владината уредба за враќање на плажите во првобитна состојба со цел вoведување ред на крајбрежјето по препораките на УНЕСКО.

Се сруши дел од коловозот на улицата Славеј Планина поради градење нова зграда. Жителите месеци наназад бараат стопирање на изградбата на станбениот објект на приватен инвеститор поради штетите кои настануваат на куќите околу градилиштето.  Од Општината велат дека по итна постапка ќе се утврдувале пропустите и ќе се санирала штетата.

Повик до родителите и  полуматурантите да не се организираат традиционалните прослави по повoд завршувањето на основното образование.  Ова го побараа Активот на директори  од сите општински основни школи. Жалат што  ќе изостане прославата на полуматурата, но  им порачаа  дека ќе имаат  можности понатака во животот за уште поголеми прослави. Сега  во време на епидемија со Ковид 19 е потребно да се спречи ширењето на болеста и  да надвладее разумот над емоциите.

ЈП Водовод – Охрид од денеска започнува со репрограмирање на долговите на корисниците (физички и правни лица) на услугите на претпријатието, како дел од мерките за справување со економските последици настанати од корона вирусот.

Исчистија дел од подводното крајбрежје на плажа  во Свети Стефан. При тоа извадиле големи количини отпад и предмети кои ги користат луѓето. Од Акватек апелираат до сопствениците на рестораните пред плажите, да организираат  подводно чистење на капалиштата. 

Денес има регистрирани 10 нови случаи на ковид 19. Пет од позитивните лица  се поврзани со кластерот од семејната прослава на новороденче. Се работи на откривање и изолација на контактите за   останатите  случаи.