Во ова тешко време, кога се соочуваме со несреќа од глобални размери предизвикана со ширењето на коронавирусот, тимот за психосоцијална помош (ПСП) на Црвен крст Охрид составен од два искусни психолози, од денес, 25.03.2020, ќе биде достапeн за сите оние кои се најранливи во оваа кризна ситуација и на кои им е потребна дополнителна психосоцијална поддршка.

Службата за трансфузиологија во Охрид целосно е преземена од одделението коешто се наоѓа во Специјалната болница за ортопедија и трауматологија „Св. Еразмо“, информира министерот за здравство Венко Филипче. Персоналот на РЕ трансфузологија е во домашен карантин откако имале контакт со пациент кај кого е откриен корона вирус.

Во текот на изминатите денови беа реализирани работни активности за  асфалтирање на 3 краци на улица „Прилепска“ во населбата „Железничка“.

Уверуваат дека додека трае вонредната состојба компанијата нема да ги отчитува електричните броила на потрошувачите, а нема да работат ни инфо корисничките центри. Компанијата од национален интерес презема мерки за непречено напојување со електрична енергија на сите корисници, информира портпаролот на ЕВН Македонија.

Поради постоење основи на сомнение за сторено казнено дело „непостапување според здраствените прописи за време на епидемија“, СВР Охрид поднесе кривична пријава против 48-годишната Д.Т. од Охрид, како и против 48-годишниот Х.П.Т. од Швајцарија, со привремено престојувалиште во Охрид.

Министерството за здравство информира дека во изминатите 24 часа се регистрирани 12 нови случаи на коронавирус во земјата. По градови: Скопје (7) и Куманово (5).

Министерот за економија Крешник Бектеши денеска на прес-конференција во Владата презентираше нови мерки за справување со последиците од коронавирусот, Ковид-19.