Криминалот со оружје претставен преку уметнички дела. Учениците од ОУ во државава насликале вкупно 2900 цртежи, на тема „Акција против оруженото насилство“.

Претставници на синдикатите од Македонија, Шведска, Русија, Германија, Холандија, Турцја, Хрватска и Црна Гора на Меѓународна конференција во Охрид расправаат за актуелни прашања, како што е светската финансиска криза, улогата на синдикатите и социјалниот дијалог во тие услови.

Еколошка акција за подводно чистење на дел Охридското Езеро. Целта е да се придонесе за будење на свеста кај граѓаните за заштита на езерото и на целокупната околина, велат од Спелео нуркачкиот клуб „Врело“. Денес, тие ја реализираа втората од вкупно десет планирани вакви акции.

Преголема политизација и калкулантство во трката за престижниот епитиет Град на културата. Ова се причините поради кои Општина Охрид го откажува учеството на конкурсот за манифестацијата „Град на културата во 2011 година.“

И после година дена од трагичниот настан, не бледеат лошите сеќавања од 5 ти септември 2009 година. „До пред моментот на несреќата посигурен бев во Илинден отколку во сопствениот живот“, изјави капетанот на бродот Сотир Филевски.

Два месеци, персонални асистенти ќе помагаат на лицата со инвалидитет во Охрид. Тие ќе работат по 20 часа неделно или пола работно време, а за тоа ќе бидат соодветно платени. Станува збор за реализација на пилот проект на Министерството за труд и социјална политика, кој ќе трае 2 месеци, а е финансиран од финската амбасада.

Речните корита на Сатеска, Коселска река и Грашница се чистат. Досега најчеста слика на речните корита, чии води се влеваат во езерото, беше деформирани водотеци затрупани со најразлични видови  отпад, па се до паднати или изникнати дрвја.

Објавен конкурсот за престижната Светиклиментова награда. Општината во потрага по нови кандидати за највиското општинско признание, наградата „Патрон на градот“ – Св. Климент Охридски.