Со денешните оздравени 21 лице, досега имаме оздравени вкупно 200 пациенти.

Реконструираната улица „Јане Сандански“ добива сообраќајна сигнализација по сите современи стандарди.

Регистрирани се 15 излекувани пациенти, 6 од болничко лекување и 9 кои се се лекуваа во домашни услови.

Црквата ќе ги почитува препораките за спречување на ширењето на Ковид 19. Свештениците апелираат верниците да ја следат Богослужбата за Христовото воскресение  преку медиумите од  домовите и  да го отпеат тропарот за Христовото воскресение. Со  надеж во Спасителот ќе помине и ова зло. Ако не беше неговото страдање на големиот петок немаше да има и воскресение, вели отец Љупчо Симиџиоски. 

Луѓето останале без редовна или сезонска работа па бараат разни видови помош, информираат од Центарот за социјални работи.  Досега на нивниот список се евидентирани 100  семејства од најтежок социјален ризик.

Интернационалната полициска асоцијација-регион Охрид, на новинарите и медиумските работници, кои се членови на Регионалното здружение на новинари на Македонија од Охрид, Струга, Кичево и Дебар, но и на оние кои не членуваат во ЗНМ, им подарува заштитна опрема од вкупно 100 повеќенаменски заштитни маски и 100 заштитни ракавици.

Заостанатите потонати мрежи во Охридско езеро претставуваат голема опасност за живиот свет во езерото, тие прават штета не само на рибниот фонд туку и на други живи компоненти.

Oхрид, лулката на православното христијанство ќе го празнува Велигден без верници во храмовите. Денеска полицискиот час ги помести Богослужбите од вечерните во пладневните часови. Свештениците велат дека треба верниците да се прилагодат на вонредната состоба во општеството.  Христовото воскресение кое претставува победа на животот над смртта и оваа година ќе влезе во нашите срца, души и домови, вели отец Љупчо Симиџиоски.