Утрово во 3:26 часот бил регистриран земјотрес во близина на Охрид со јачина од 3,1 степени според Европската макросеизмичка скала.

Ќе се фузираат јавните претпријатија во градов. Градоначалникот Константин Георгиески вели дека тоа ќе е со цел рационализација и намалување на трошоците на истите.

Во најновиот Индекс за перцепцијата на корупцијата во светот во 2019 година на Транспаренси интернешнал Македонија со рејтинг 35 се најде на 106 место.

По само неколку месеци стопанисување со рибниот фонд во Охридското езеро државата и ја одзете концесијата на струшката фирма Летница Белвица. Негрижа за рибниот фонд е само една од причините за ваквата одлука на Владата. Изминативе месеци надлежните инспекторати вршеле интензивни контроли во кои утврдиле низа нерегуларности и прекршувања на законот од страна на концесионерот. До изборот на нов концесионер , за да не биде оставено езерото на немилост на рибокрадците државата ќе формира посебно координативно тело за негова заштита.

СДСМ вети и излажа дека затворениот зелен пазар по цели три години доцнење почнува со работа од 1 јануари, обвинија од ОК на ВМРО ДПМНЕ Охрид.  Дојдоа, се сликаа и си заминаа, а пазарџиите останаа надвор среде зима,  кажа од партиската говорница портпаролот Перчо Божиновски.  

Работодавачите алармираат дека има недостаток од стручен кадар и дефицитарни струки. Се повеќе се наметнува потребата од практична работа која ќе се воведува во наставниот процес за потребите на стопанството. Таков позитивен пример е практичната настава на учениците од ЕМУЦ Св.Наум Охридски, поддржана од Делегацијата на Германското стопанство.

Општинскиот инспекторат е задолжен да контролира дали се почитуваа законските одредби за замeна на исечените дрва со нови. Контрола се прави дали се засадуваат нови стебла  ама досега нема регистер колку фиданки се посадени, вели општинскиот портпарол.

Центарот за развивање на животни вештини БРЕИНОБРЕИН-Црвен крст Охрид започнува со уписи на нови деца од 4-14 годишна возраст заинтересирани да ја следат интернационалната Бреинобреин едукативна програма  преку која ќе имаат можност да ги стекнуваат, развиваат и потврдуваат своите способности: концентрација, меморија, нумерички и вербални вештини, способности за учење, креативност и имагинација, лидерство, самодоверба, визуелизација, решавање на проблеми.