Програмата за поставување на урбана опрема ќе биде идентична како и минатите години. Ќе има само дополнување на истата со дефинирање на цена за издавање на тезги за храна, информира секретарот на Локалната самоуправа, Димитар Спасески.

Наместо во училиште, седум малолетници  завршиле во сомнителен објект, познат кај влашакамалци како собиралиште на зависници  од дрога.

Проектот за реконструкција на Летница чека зелено светло од Завод и музеј. Дознаваме дека истиот го изработиле неговите автори со што е запазен Законот за авторски права. Ќе се задржи автентичноста на овој препознатлив знак за Охрид.

Жителите од Стар град поради неправилно паркирани возила на просторот помеѓу улиците „Коста Абраш“ и „Цар Самоил“ не можат со автомобил да си одат дома. Овој проблем се провлекува години наназад, но никој не го решава. Сообраќајната полиција по се изгледа треба да почне да казнува за да ги потсетат возачите дека не ги почитуваат двата знаци за забрането запирање и паркирање кои се поставени на ова место.

Уште една придобивка од 30-годишното пријателство помеѓу Охрид и Крагуевац е производството на делови за автомоболот Fiat Punto. Ова е најава од градоначалникот Петрески, како резултат на неодамнешната негова посета на овој град.

„Претприемништвото како фактор за развој на туризмот“, тема на денешната трибина која се одржа во Охрид. Се што досега било кажано за правилен развој на туризмот во рок од пет години останало само на хартија, сметаат експертите по туризам.

Највкусните сендвичи пристигнаа и во Охрид. Се отвори сендвичарата Вили која е дел од ланецот сендвичари кои повеќе години успешно работат во Скопје и Србија. Квалитетот и пристапните цени се она што ги прави единствени.

Претседателот на општинскиот комитет на Вмро НП, Ванчо Костоски на прес конфренција ги отфрли обвинувањата за политичко профитерство упатени на нивна адреса од страна на претседателот  на општинскиот комитет на ВМРО -ДПМНЕ, Атанаско Михаилов.