Поради поставувањето на новогодишнте украси во чаршијата, Локалната самоуправа апелира, доставувањето на роба во деловните објекти да се врши исклучиво со ниски возила.

Највисокото општинско признание  „Патрон на градот- Св. Климент Охридски“ за 2019 година, постхумно му се доделува на прерано починатиот градоначалник Проф. д-р Јован Стојаноски. Решението за доделувањето на наградата, за која имаше пет апликации, го донесе градоначалникот Константин Георгиески на предлог на Стручната комисија за доделување на општински награди и признанија.

Во Центарот за превенција и третман на болести од зависност во Охрид во моментов има 170 пациенти одс кои најмладиот има 19 години.  Загрижува фактот што расте потребата   за лекување на  малолетни зависници, велат за ТВМ од Центарот.

 Средношколците на  забавен начин покажаа како лесно ја совладуваат наставата по предметите хемија и  физика. Средното општинско училиште Свети Климент Охридски постојано ги осовременува кабинетите за изведување на наставата по сите природни науки.

Повеќе охридски здруженија го одбележаа светскиот ден на инвалидите.  Од  Локалната самоуправа ги  следат потребите на  овие лица и најавуваат два големи проекти, пристапност за инвалидите  до општинската сала и спортскиот стадион Билјанини извори. 

Црвен крст Охрид, а воедно и градот Охрид  е побогат за уште една музичка содржина.Во рамки на Црвен крст Охрид започна да делува женскиот хор „A Cordis“.

Во неколку туристички списанија и весници и на социјалните мрежи, Охрид се промовира во Италија. Деновиве се објавени повеќе промотивни текстови со кои потенцијалните италијански туристи се запознаваат со културно – историското наследство на Охрид, но и со природните убавини.

Според последните податоци од Државната изборна комисија до 18:30 часот, од обработени податоци од 74 од 88 избирачки места на гласање излегле 20 553 охриѓани или 54,83 %.