Охридските ракометари од позиција на фаворити најавуваат прокнижувања на нови три бодови. Градскиот ракометен клуб Охрид  е втор на табелата со само еден бод помалку од лидерот Металург.

После едномесечен застој поради дефект ставен во функција ангиографот во Кардиолошки.  Од вчера  се прават коронарографии и стентирања на пациенти.  Над 4600 пациенти месечно се третираат во кабинетите на специјалната болница. Над 2000 дијагностички интервентни процедури и над 2500 пациенти годишно се згрижуваат во одделот за интензивно лекување.

Нуркачкиот центар Амфора одбележува 15 години од неговото постоење. Зад овој јубилеј стојат голем број реализирани проекти, стотина обучени нуркачи кои имаат сертификат кој важи насекаде во светот, многу залагање и ентузијазам.

Од денес во охридскиот Центар за јавно здравје започнува бесплатната вакцинација против сезонски грип.

На покана од Татјана Данчева – директор на  Професионалната гимназија по туризам „Д-р Васил Берон“  во Велико Трново – Република Бугарија присуствуваа директорот на ОУТУ „Ванчо Питошески“-Охрид – Марјан Радески и Секретарот Душко Јаковчески.

Ова го посочија бизнисмени на денешната средба со претставници на  Националната комисија за УНЕСКО и Министерството за животна средина и просторно планирање. Дел од забелешките беа дека моменталните состојби  во сферата на урбанизмот во Охрисдкиот регион ги одвраќаат инвеститорите, а беше побарано изградбата на станбени згради и хотели да не се третира исто. Работната средба беше во насока на консултации со сите засегнати страни во процесот на носење на планот за  управување со природното и културното наследство на Охридскиот регион.

За победа во првиот круг од локалните избори потребно е најмалку една третина од регистрираните гласачи да излезат на гласање во конкретната општина и еден од кандидатите да освои мнозинство гласови. Оние што нема да бидат избрани денеска ќе ја продолжат битката во вториот круг закажан за две недели подоцна. 

Денес во училиштето „Христо Узунов“ се одржа отворен ден на демократијата. Toa е во рамките на новиот концепт за граѓанско образование. Учениците преку пароли, пишани и ликовни творби покажаа што значи демократија и колку се почитуваат правата на децата.