Во изминативе 24 часа се евидентирани нови 490 случаи на заразени со Ковид-19 од направени 3.073 тестирања. Речиси половина од нив се во Скопје.

Жителите на населбата „Радојца Новичиќ“ сеуште чекаат да добијат нов уреден простор за спортување. Јавното претпријатие „Градски гробишта“ пред речиси една година започна со уредување на две спортски игралишта во склоп на некогашната касарна на АРМ, и на едно детско игралиште но, работите закочија. Се чека да заврши постапката помеѓу Министерството за образование и  општината околу утврдување на сопственоста на просторот. ЈП „Градски гробишта“ во периодов што престои ќе работи на повеќе проекти во градот и приградските населби. 

Поради ширењето на коронавирусот во Италија се зајакнува контролата на сите гранични премини и на двата аеродрома во Македонија, е еден од заклучоците на денешниот состанок на Комисијата за заразни болести. Министерот за здравство Венко Филипче апелира до граѓаните, ако немаат итни потреби, да ги одложат патувањата во критичните региони во Италија.

Дури во 30 случаи возачката дозвола била одземена поради управување со моторно возило под дејство на  алкохол. Минатата година завршила со биланс од 252 одземени возачки дозволи , информираат од СВР Охрид. 

 Шеесет проценти од бројот на починати биле помеѓу 30 и 60 години. Превенцијата е главен влог за зачувување на здравјето од овие болести, како  и редовните медицински прегледи и контроли, препорачуваат кардиолозите.

Во соработка со Агенцијата за промоција и поддршка на туризмот, Општина Охрид ја презентира својата туристичка понуда на 42-от меѓународен саем за туризам во Белград, Србија, кој се одржува од 20-ти до 23-ти февруари.

Градоначалникот на Општина Охрид, Константин Георгиески беше дел од меѓународната конференција за иновации во општините, „Muni-World 2020“, која од 19-ти до 20-ти февруари се одржуваше во Тел Авив, Израел.

 Од  службите на Фирмата ИЦС  системи задолжени  за одржување на јавното осветлување напоменуваат дека се соочуваат со постојано вандалско однесување на несовесни граѓани кон јавното осветлување. До почетокот на летото ќе интервенираат и на чистење на автентичните фенерчиња во стариот дел од градот.