Колекторскиот систем не функционира како што треба. 1350 литри во секунда фекална вода поради неможноста да се обработи се излива во езерото. Владата никако да ја свати сериозноста на нашите укажувања, обвинува градоначалникот Александар Петрески.

Оној што е хуман кон животните е хуман и кон луѓето. Вистинската хуманост не знае за дискриминација. Оваа порака доаѓа од Здруженијата за заштита на животни, на одбележувањето на Светскиот ден на бездомните животни 4 ти април.

Денес се одбележува денот на крводарителството на Република Македонија. Општинската организација на Црвениот крст од Охрид мината година може да се пофали со голем број крводарителски акции што ги организира со различни категории граѓани.

Претставниците на етничките заедници од земјава, бараат да престане нивното исклучување од јавниот живот. Исто така сакаат да се престане и со повредата на нивните уставно загарантирани права.

Охридските „гладијатори“ пред нов предизвик. Тие на домашен терен ќе играат против екипата на Борец од Велес. Охридските ракометари очекуваат победа, секако со помош на големата поддршка од трибините со охридската публика.

Изворските води кај Биљанини извори се со променлив квалитет, заклучок е на работната група на експертските тимови составена од претставници на  неколку институции.

Најавата од Фондот за здравствено осигурување за заострување на начинот за препишување на лековите од позитивната листа ги вознемири пензионерите. Тие како најзасегната категорија регираат дека со овој начин на снабдување со лекови, нивното право на лекување е доведено во прашање.

Ј.П. „Охридски Комуналец” информира дека на ден 5-ти април, среда, се организира акција за подигнување на кабаст отпад (душеци, стар мебел, телевизори, шпорети, теписони и др.) во селата Елшани и Коњско.