Владата ги затвори образовните институции и забрани публика на спортските натпревари во следните 30 денови.Се забрануваат масови собири и настани во отворен и затворен простор со над 1.000 посетители на територијата на целата земја. Задолжителна самоизолација за сите кои доаѓаат од средно и високоризичните држави. Ова се дополнителните мерки за спречување на ширењето на корона вирусот кои ги усвои владата денеска по препорака на Комисијата за заразни болести.

При извршени сообраќајни контроли на подрачјето на СВР Охрид, полициските службеници регистрирале и санкционирале 06 возачи кои управувале моторно возило под дејство на алкохол.

Агенциите за недвижности во двата крајезерски градови со различни искуства од проджабата на недвижности.  Мораторимуот за градење има различно економско влијание во продажбата. Во  Охрид цените на становите пораснале  за 20 посто, а во соседна Струга се намалуваат. 

Брегот на Охридското Езеро, кај населбата Љубаништа, прекриен со разноразен отпад од пластика. Локалните жители апелираат до надлежните служби и Локалната самоуправа да преземат најитна акција и да се исчисти крајбрежјето бидејќи овој отпад повторно ќе заврши во езерото. Екипите на ЈП „Комуналец“ уште  утрово започнаа акција за расчистување на теренот.

Деновиве започнаа да се изведуваат подготвителни активности за реконструкција на улицата „Прва Македонска ударна бригада“ од крстосницата со улицата „Питу Гули” до „Стобекс”.

Локалните жители ќе се стимулираат за да се вклучат во креирањето на туристичката понуда. Посебен акцент ќе се става на агротуризмот. Секторот за Туризам и локален економски развој при Општина Охрид одржува активности за практични обуки на оваа тема.

Максимално сум разочаран поради непочитување на препораката за изолација од 14 дена , кажа денеска министерот за здравство Венко Филипче. Директорката на Клиниката за кожни болести е четвртата регистрирана заболена во земјава со корона вирус. Таа пред една недела се вратила од патување во Италија. По враќањето продолжила да оди на  работа непочитувајќи ги препораките за самоизолација и загрозувајќи го здравјето на сите со кои дошла во контакт. Ќе има мерки против сите за кои е утврдено дека го загрозуваат јавното здравје. Мора да имаме одговорност кон колективното здравје зашто е тоа наш приоритет, додаде Филипче. 

Покрај сушата најголеми виновници се македонските и грчите овоштари. Засега Охридското Езеро не е во опасност се додека се напојува од изворите од Св. Наум и Тушемиште, но и тоа зависи од одговорноста на луѓето кои го регулират нивото на езерото со испуштање на водите во реката Црн Дрим.