Ова е втора Меѓународна награда за охридскиот фотограф аматер во оваа година.  Охрид има бројни  талетирани аматери фотографи кои се интересираат за уметничката фотографија, но клубот  мака мачи со години за да добие соодветен простор за работа, вели Коруноски претседател на ФК Охрид.  

Покрај 12 -те најразлични  операции кои ги имала во текот на животот најтешко  и паѓа  самотијата. Трошната и влажна куќарка нема кој да и ја поправи и вароса. Вели за неа и празниците и делниците се исти. Единствена помош и се волонтерите од Црвен крст и двете најблиски сосетки  кои се грижат  за барем малку да и го олеснат тешкиот живот.

Во Охрид нема регистрирани лица заразени од жолтица.Но, откако во Скопје во изминативе три месеци речиси секојдневно има по некое ново лице заразено од ова заболување,  вработените од охридскиот Центарот за јавно здравје ги зголемија мерките на претпазливост. Апелираат да се зголеми хигиената во сите училишта и предучилишни установи. 

Поради административни пречки доцни изградбата на новата болница во Струга. Министерот за здравство Венко Филипче вели дека тие се надминати, постапката е во тек и веднаш кога општината ќе го одобри планот ќе се започне со проектирање на новата општа болница.

Охридскиот Народен Театар овој пето повторно ја поставува новата претстава „Хотел ни на небо ни на земја”, работена според текст на Ерик Емануел Шмит, а во режија на Љупчо Ѓоргиевски.

На Градскиот плоштад и оваа година ќе биде организиран заеднички дочек на Новата година. За забавата ќе се погрижат охридските музичари Ѓоко Танески, бендот Камелеон и Ефто Пупиноски.

Јавното претпријатие „Градски гробишта“, деновиве започна со подготвителните активности за поставување на лизгалиште на мраз. Лизгалиштето ќе биде лоцирано на улица „Македонија“, пред НУЦК „Григор Прличев“.

Времето денеска во Охрид променливо облачно и потопло со услови за локален краткотраен дожд. Ќе дува слаб до умерен ветер од северозападен правец.