Екипи на одделението за изградба, одржување и реконструкција на локални патишта и улици при ЈП „Нискоградба“ деновиве работат на поплочување со бехатонски плочи на крак од улица „Сатеска“, а се нивелираат и шахти на булевар „АСНОМ“.

Екипи на „Паркови и зеленило “ при Јавното претпријатие „Охридски комуналец“ денес засадуваат  цветен саден материјал од зимската реколта на  кружните текови  во близина на гимназијата и кај Охридска Банка каде хортикултурно се уредува и жардинеријата. Утре со цвеќе ќе се разубавуваат и останатите кружни текови.  Се засадуваат цвеќиња од типот viola (очиња ) од сопствено производство.

Мирно и без проблеми се одвива гласањето на сите избирачки места во Охрид.

НУ Центар за култура “Григор Прличев” – Охрид / Народен Театар Охрид, викендов пред охридфската публика ќе ја постави претставата,„Хотел ни на небо ни на земја”. Претставата е работена според делото на Ерик-Емануел Шмит. Режијата е на Љупчо Ѓоргиевски.

Земјотресот кој утрово ја погоди соседна Албанија, силно ги вознемири охриѓани. Тие стравуваат од нови потреси. Во Центарот за управување со кризи засега нема пријави од граѓани за евентуални штети предизвикани од земјотресот во Охридскиот регион и околината.

Свикана триесет и петтата седница на Советот на општина Охрид на ден 29.11.2019 година петок со почеток во 11:00 часот.

Во тек се градежните активности за санација  на кровот од ОСУ „Св. Климент Охридски“. Зафатот е по налог на Општина Охрид предвидена е  реконструкција на оловните табли од куполите, санација на олуците, китирање на спојните елементи, оловните табли, окапници и ветробрани. Оловните плочи ќе бидат прицврстувани со нови завртки.

Отворен Центарот за рехабилитација, едукација и сензонарна интеграција за возрасни лица со аутизам,  во специјалната болница за ортопедија и трауматологија „Св. Еразмо“.