Од утре до 8 јули во Охрид  по 58 – ми пат ќе се афирмираат музичките културни вредности на народите. Од оваа година фестивалот  има нова содржина.  Во центарот за култура ќе има проекции на три краткометражни етно филмови.

Во овој период повиците најчесто се однесуваат на колабирање на граѓаните предизвикани од топлината, а интервенираат и на зголемен број на сообраќајни несреќи. Во летните месеци  се чувствува недостаток од персонал , а располагаат со доволен број амбулантни возила. Службата за брза медицинска  интервенција секојдневно се соочува со злоупотреба на  повици  од страна на несовесни граѓани. 

Ј.П.„Охридски Комуналец„ континуирано  се соочува со проблемот од несоодветно депонирање и расфрлање на отпад на патниот правец кон С.Велестово. Денес повторно се реализира акција за расчистување на овој патен правец и шумскиот  дел покрај коловозот.

Согласно одлуката за давање на користење на недвижен имот – градежно земјиште со намена за сидрење на пловни објекти кој се наоѓа на месноста „Студенчишта” КП. бр 6472/1 КО Охрид од Општина Охрид на ЈП „Билјанини Извори”, ги известуваме сите сопственици на пловни објекти заинтересирани за закуп на сидришно место, да дојдат во дирекцијата на ЈП „Билјанини Извори” за потпишување на преддоговор и резервација на сидришно место.

ЈП „Градски Пазар” започна со поставување на урбана опрема-унифицирани тезги за продажба на источниот дел од плоштадот „Крушевска Република”.

Здружението за развој и промоција „За Трпејца со љубов“ од Охрид по осми пат – годинава од 21 до 29 јули ќе го организира Културно – забавното лето „На зајдисонце“. 

Жителите на Егејска се жалат дека реконструкцијата на улицата се одолговлекува со месеци. Тротоарите се раскопани , граѓаните дижат прашина и се движат по коловозот на оваа прометна улица со што им е загрозена безбедноста.

Започнаа археолошки истражувања на плоштадот кај Чинарот. Со сонда ќе се истражува просторот за кој нема археолошки сознанија. Археолозите во неизвесност дали нешто се крие под  бекатонот на чаршијата.