Ohrid Lake sailing Cup кој на голема врата го врати сјајот на едрењето на Охридско езеро, одложен. Организаторите велат дека  пристаништето е целосно блокирано од бродовите и едриличарите се оневозможени да го користат истото. Бараат надлежните да воведат ред на градското пристаниште и да се овозможи одржување на купот во едрење за кој има голем интерес од клубови од земјава и од странство.

19 години Охрид, Струга и Поградец наизменично организираат прослава на овој датум. Годинава во фокусот e прашањето, колку навистина имаме причина за славење кога следниов месец  во Баку, на сесијата на Комитетот за светско наследство ќе се одлучува за статусот на Охридскиот регион, со предлог да се стави на листа на загрозено природно и културно наследство.

Изминатава работна седмица екипите на Ј.П.„Охридски Комуналец“ беа максимално ангажирани во подигнување на степенот на јавна чистота и јавно зеленило во градот и приградските населби.

Врз основа на член 12 став 1 и член 16 став 1 од Изборниот законик („Службен весник на  Република Македонија“ број 40/2006, 136/2008, 148/2008, 155/2008, 163/2008, 44/11, 51/11,  142/12, 31/13, 34/13, 14/14, 30/14, 196/15, 35/16, 97/16, 99/16, 136/16, 142/16, 67/17, 125/17, 35/18,  99/18, 140/18, 208/18 и 27/19 и „Службен весник на Република Северна Македонија“ број 98/19,  42/20, 74/21 и 215/21 ), претседателот на Собранието на Република Северна Македонија на ден  6 август 2021 година, донесе Решение за распишување на избори за членови на советите на  општините  и  советот  на  градот  Скопје  и  за  градоначалници  на  општините  и  за  градоначалник на градот Скопје, со кое се определува денот од кога почнуваат да течат  роковите за извршување на изборните дејствија и денот на одржување на изборите кој е  утврден за ден 17 октомври 2021 година. 

Остануваат уште неколку дена до отпочнување на првиот балкански проектен лидершип самит на којшто ќе присуствуваат лидери од компаниите, и лица коишто аспирираат тоа да постанат.

Во тек е изработката на регистарот на дивоградби во охридскиот регион, според препораките на УНЕСКО. Надлежните велат дека нема да се уриваат сите дивоградби туку само оние за кои  стручната комисија ќе потврди дека  имаат штетно влијание врз животната средина или се до самото езеро. Научната фела смета дека одамна требаше да се делува превентивно, бидејќи  сега уривањето ќе чини многу пари.

Со пензиската реформа се стабилизира системот и постигната е заштеда од околу 4 милијарди денари во Фондот за пензиско и инвалидско осигурување.

Општина Охрид упатува апел до сопствениците на пловни објекти (кајчиња) кои се лоцирани на крајбрежниот појас во „Сараиште“ и „Канео”, истите да ги отстранат во најбрз можен рок.