Од НУ „Завод и музеј Охрид“ информираат дека во музејот Куќата на Робевци е изложена 3Д макета на античка гробница од Македонски тип која е откриена на локалитетот Караѓулевци, веднаш до античкиот театар во Охрид. Макетата е изработена на 3Д печатач од страна на Кирил Денковски, а за ликовното обликување е заслужен Диме Солаковски.

Со цел да се превенира загадувањето на воздухот и зголемената концентрација на ПМ честичките во амбиенталниот воздух, Општина Охрид апелира до граѓаните да се воздржат од палењето на традиционалните василичарски огнови на отворено.

Општина Охрид години наназад ги наградува граѓаните кои ги уредуваат своите дворови во духот на новогодишните празници. Гигерови паричната награда ќе ја даруваат во хумани цели.

Во рамки на Проектот за подобрување на општинските услуги (МСИП), финансиран со заем од Меѓународната банка за обнова и развој-Светска банка, Општина Охрид доби изработена комплетна техничка документација за реконструкција на улиците „Гоце Делчев“, „Ѓорче Петров“ и „Кленоец“.

По налог на општина Охрид, а согласно сообраќајниот проект за регулирање  на сообраќајот во централното градско подрачје,  изграден е нов кружен тек меѓу улиците „Јане Сандански“ и „Партизанска“ во непосредна близина на „Комерцијална Банка“.

Се планира нова  зграда на местото од стариот објект на ОУ Григор Прличев. Во тек е изработка и на проект  за надградба на зградата на централната градинка. Локалната ќе инвестира и во реновирање на училишните тоалети во сите општински училишта.

Се прават завршни подготовки за дочек  на гостите кои од година во година во се поголем број  се дел од  карневалот кој  е вековна традиција на вевчанци. Завршено е поплочувањето на  уличките со камени плочи, набавена е нова механизација за чистење снегот, а завршени се и градежните работи на мултифункционалната зграда. 

Годинава се одбележува јубилеј 3 децении од масовната организација на градското пристаниште. На Богојавленскиот водосвет се очекуваат голем број гости. Хотелиерите и годинава ги намалија цените на сместувачките капацитети, а новина е што за проследување на манифестацијата ќе има обезбеден простор за лицата со посебни потреби.