Германската компанија за производство на компоненти за автомобилската индустрија „Костал“ во Охрид наредните пет години ќе вработи уште 750 лица, односно до крајот на 2025 година ќе достигне вкупно 1 150 вработени, со што ќе биде меѓу трите најголеми производствени капацитети на групацијата во Европа.

Пожарот на депонијата Буково е изгаснат. Но поради тлеењето на огромната количина комунален отпад се издига чад кој претставува најголем проблем за жителите на селото Крушје. Екипите на Охридски Комуналец работат без престан на покривање на депонијата со земја на деловите од каде што излегува чад.

Урбанистичко уредување на Охрид беше тема на денешното обраќање од советничката листа на ВМРО-ДПМНЕ и Коалицијата за „Обнова на Македонија“. Се обврзуваат да спроведат урбанистички проекти според законските прописи и признаени посебности од Унеско. Најавуваат унапредување и на туристичкиот развој на градот.

Почитуваниот советник Нефи Усеини сам да си ги отстрани дивоградбите кои не можат да се легализираат, затоа што државата ќе ги руши, ова е дел од одговорот на премиерот заев на новинарско прашање на денешната прес конференција во владата. Премиерот кажа дека доколку локланта власт во Охрид не го спроведе законот ќе и бидат одземени ингеренциите. Градоначалникот Константин Георгиески, неодамна изјави дека очекува поддршка од државата и дека ќе ја добие за справување со дивоградбите.

 Партискиот портпарол Наум Стоилковски укажа на законските казни при градењето на дивоградби . Прекршувањето на закон едноставно кажано е криминал и за тоа мора да има кривична одговорност, порача Стоилковски.

Анализите за посетеноста на земјава за изминатите 6 месеци покажале  дека во пораст е бројот на хрватските,  грчките и туристите од Полска. Загрижувачки е  падот  на домашните и турските туристи во земјава.

Проектот, вреден 340.000 евра, е дел од Програмата на Европската унија „Подобрување на управувањето со заштитените подрачја”, вредна 4,3 милиони евра, а ја спроведува Програмата за развој на Обединетите нации (УНДП) во партнерство со Министерството за животна средина и просторно планирање.

Владата на последната седница ги задолжи сите органи на државната управа на своите интернет страници, да објават линкови од објавените годишни планови за јавни набавки. Владата оваа постапка за транспарентност на јавните набавки им ја препорачува и на единиците на локалната самоуправа.