Во рамки на чествувањата посветени на Св. Климент- Патрон на Охрид во изложбениот салон на НУ Центар за култура „Григор Прличев“ се одржа традиционалната изложба на Фото клуб – Охрид.

Студентите апелираат до надлежните органи да им излезат во пресрет и, како што велат,  да не им кројат кобна судбина на 400 студенти со прифаќањето на овој предлог закон. Доколку не биде прифатено нивното барање за отфрлање на предлог законот информираат дека ќе бидат приморани да излезат на масовни протести.

Градскиот ракометен клуб Охрид  последниот натпревар во 2019та година го игра утре против Вардар Јуниор. Гладијаторите најавуваат победа со која ќе имаат серија од 13 натпревари без пораз. Тренерот Раде Стојановиќ вели дека со овој натпревар ГРК Охрид заокружува еден одличен период.

Имавме позитивна кампања, мирна пред се. Охриѓани имаа можност да ги видат нашите програми и визија за иднината на Охрид. – истакна кандидатот за Градоначалник на Охрид од СДСМ и Коалицијата, Константин Георгиески.

Со организацијата на саемот насловен „Дарувај од срце“ во гимназијата „Св. Климент Охридски“, се заокружуваат активностите посветени на одбележувањето на патрониот празник на ова средно училиште.

Во општата болница во Охрид денеска беше отворен вториот регионален центар за рехабилитација, едукација и сензорна интеграција наменет за ран третман на деца со аутизам и Аспергеров синдром. На настанот беа присутни министерот за зравство на Македонија Венко Филипче, неговиот бугарски колега  Кирил Ананиев, првата дама  Елизабета Георгиевска Пендаровска, претставници на дипломатскиот кор и други гости.Носител на проектот е Здружението на граѓани за третман на лица со аутизам, АДХД и Аспергеров синдром „ВО МОЈОТ СВЕТ“ асе реализира со поддршка на министерството за здравство и амбасадите на Република Бугарија и Република Чешка во Скопје.

Во пресрет на премиерата на филмот „Дедо и внук“ на режисерот Илија Пиперкоски, а поради преголемата заинтересираност за билети, донесена е одлука да се одржи и втора проекција на филмот.

Охридската библиотека со низа настани ќе го одбележи празникот посветен на заштитникот на Охрид, Св. Климент Охридски.