Денеска во Охрид се одбележува Европската недела на спортот, под мотото „Те предизвикувам да бидеш активен“. Агенцијата за млади и спорт заедно со локалните клубови, амбасадори и национални спортски федерации, како и спортски работници, организира рекреативен ден на Охридскиот кеј.

Претставници Здружението „Стар Лагадин” одржаа средба со в.д. градоначелникот на Охрид г-дин Константин Георгиески. Информираат дека се задоволни од приемот и разбирањето што градоначелникот го има кон урбанистичките проблеми во Лагадин генерирани од претходната централна и локална власт.

Екипи на МЈП „Проаква“, деновиве, извршуваат работни активности за поставување на нова водоводна линија на улицата „7-ми Ноември“. Денес, активностите се во завршна фаза. Поставените цевки се со ширина од 225мм.

Кандидатот  Константин  Георгиески во сред изборна кампања не прави масовен поткуп на бизнисмените во Охрид туку го раздолжува Охрид! Со овие зборови Георгиески ги отфрли обвинувањата упатени од ВМРО ДПМНЕ дека трансферот на пари сред изборна кампања во процесот на раздолжување на општината алудирал на изборен поткуп. Георгиевски објасна зошто одлуката за почеток на раздолжувањето беше донесена токму сега.

Директорката на ОУ Глигор Прличев не ги пријавила долговите на училиштето  до 30 септември 2018 г поради што пропуштена е можноста истите да се сервисираат од средствата од Буџетот на државата за раздолжување на образовните единки формирани од Општината. Ова беше изнесено денеска на прес конференција на Ок на ВМРО ДПМНЕ Охрид.

Младите од СДСМ денеска на прес конференција презентираа проект од предизборната програма на нивниот кандидат за градоначалник Константин Георгиевски. Најавија отворање на Канцеларија за млади која што ќе биде посветена на младите луѓе во сите сегменти на општественото живеење.

Бесплатна здрава храна за ученици од прво до петто одделение!, најави кандидатот за градоначалник од ВМРО ДПМНЕ, Митре Милошевски. Кажа дека овој проект е еден од најважните во неговата програма затоа што само образовано население со здрави навики може соодветно да им одговара на предизвиците од модерното општество.

Работите ќе бидат завршени два месеци порано од планираниот рок во проектот. Директорот на ЈП Државни патишта задоволен од темпото и  сработеното на патната инфраструктура која е во тек во Охрид  и Струга.