Охрид од денеска до 9 септември е домаќин на првата Меѓународна ликовна колонија „Лихнид – Охрид“. Во организација на Општина Охрид, на колонијата учествуваат 17 ликовни уметници од земјава и странство, кои ќе создаваат дела инспирирани од охридското природно и културно наследство и препознатливиот амбиент на градот. Целта, според организаторите, е создадените дела да останат во сопственост на Општина Охрид и со тоа да се создаде ново уметничко наследство за идните генерации.

Второто издание на „Со СУП преку граница“ покажа дека спортот може да биде силен мост за соработка, а Охридското Езеро е заедничко богатство кое ги поврзува луѓето без оглед на државните граници.

Голема количина риба и дваесет висечки рибарски мрежи, со вкупна должина од околу четири километри, биле пронајдени при акциска контрола на полициските службеници од Полициската станица за граничен надзор „Охридско Езеро“. Мрежите биле откриени на потегот меѓу струшките села Калишта и Радожда, а во нив биле уловени 872 парчиња охридска белвица, со вкупна тежина од 116,9 килограми.

Православен календар: Спомен на Светиот пророк Самуил.

Минималните температури денес во Охрид од 18, а максималните до 30 степени Целзиусови.

Според информациите од полицијата, пријавениот неовластено зазел катастарска парцела во државна сопственост, односно плажа на Охридското Езеро.

„Остануваме посветени на здравјето на нашите пациенти“, порачуваат од болницата, повикувајќи на поголема информираност, превенција и навремено откривање на периферната артериска болест.

Првачињата од ООУ „Дебрца“ на првиот училишен ден добија ранци со прибор, а од Општината е обезбедена и еднократна финансиска поддршка од 10.000 денари за секое прваче.