Одржана Меѓународна онлајн конференција: „Охридската школа на хуманизмот од Средниот век до денес во Европа и Светот“, посветена на годинешниот добитник на Светската награда за хуманизам, академик Далимир Хајко од Словачка.

Деновиве започнаа работни активности за промена на покривната конструкција на подрачниот училишен објекти на ОУ „Свети Наум Охридски“ во  селото Елшани и на покривната конструкција на училишниот објект на ОУ „Братство Единство“ во населбата Лескајца.

Министерството за здравство потпиша договор за набавка на 40.000 дози четиривалентни вакцини против грип. Достапноста и испораката на вакцините зависи од производителите.

Општина Охрид започна со имплементација на проектот „Полесен пристап за подобри општински услуги  и граѓанска вклученост“ како дел од активностите во рамки на втората компонента на проектот „Зајакнување на општинските совети” кој е финансиран од УНДП и Швајцарска амбасада во Република Северна Македонија, во износ од 50.000 швајцарски франци.

Од Завод и музеј прават подготвки за санација на кровни конструкции на неколку заштитени објекти во приватна сопственост во старото градско јадро. Од таму ги посочуваат како приоритетни потребите и од санација на Музејот во Заливот на Коските и бедемите на Самоилова тврдина и Горна Порта.

Во разни делови од градот постојат околу 20- тина јавни чешми и артерски подземни води кои постојано се контролираат. Досегашните испитувања покажале дека водата за пиење од нив е со одличен квалитет.

Во текот на утрешниот ден жителите на населбата „Христо Узунов“  ќе излезат на протест поради самоволно поставување на базна станица на покривот на зградата ламела Бетон Б1 од страна на телеоператор.

Со одлука на Министерството за животна средина потпишана од министерот Насер Нуредини, единечното дрво Чинар (Platanus orientalis) лоциран во Охридската чаршија на плоштадот „Чинар“, инаку дел од долгата историја на Градот, но и препознатлив дел од неговата туристичка понуда е прогласено за природна реткост.