Од Агенцијата за катастар на недвижностиги ги информираат граѓаните и професионалните корисници (нотари, геодетски компании, извршители општини и др.) дека утре, понеделник, шалтерите при Одделението за катастар на недвижности во Охрид, како и во останатите градови во земјава, нема да бидат во можност да примаат барања како и да издаваат податоци.

Волјата, истрајноста, упорноста на крајот победува се, па дури и телесниот инвалидитет. Ова денес како и многу пати досега го докажаа лицата со телесен инвалидитет од Охрид одржувајќи ги традиционалните спортски игри. Велат дека инвалидитетот кој го имаат не може да ги спречи да бидат добри спортисти. Потсетуваат дека иако игрите се по повод светскиот ден на лица со инвалидитет, тие се рамноправни граѓани во текот на целата година и дека така треба да се чувствуваат и во останатите 364 денови.

Родители и наставници со заеднички сили, креативност и работа до создавање на пријатно катче за учење за децата. Во рамките на работилницата “Нашата училница, нашиот свет”, денес беше преуредена една од училниците во основното училиште Григор Прличев, а со цел тоа да поттикне создавање на креативна атмосфера во која дечињата ќе можат да учат низ една поголема интерактивност, но и забава.

Белвица има доволно, но намален е нејзиниот излов, поради повисоката температура на езерската вода за овој период од годината, велат од Пастрмка 2012 концесионер на Охридско Езеро. Претставникот Танас Танасоски, кажува дека сите заинтересирани лица кои сакаат на својата трпеза да ја имаат белвицата, можат да ја набават во нивните специјализирани продавници. Цената е 350 ден за килограм и засега нема да има нејзина промена.

Храната еден од најдобрите инструменти за креирање на магични моменти. Во пресрет на престојните празници туристичките експертите ги изнесоа своите размислувања, за тоа како треба да изгледа понудата на празничното мени во. Во моментов, начинот на презентирање на храната е слабост во  поголемиот дел во охридските угостителски објекти. Потребно е воведување на комбо техниката која претставува еден вид нов маркетинг, односно да се направи понуда на повеќе комбинации на јадења за пониска цена.

Дел од докторите и пациентите во општата болница во Охрид тврдат дека во болницата нема греење. Директорот на оваа здравствена установа објаснува дека тоа е само од времен карактер и дека проблемот кој настанал е надминат па греење ќе има и во новиот и во стариот блок на болницата.

На 21-ви февруари по преземени мерки и врз основа на решение од Основен суд Охрид, полициски службеници од СВР Охрид го лишиле од слобода А.Ф.(41) од Охрид.

Денеска на празникот Пречиста, традиционално се објавуваше името на новиот кум на манифестацијата. Но место тоа здружението преку соопштение ја извести јавноста дека организацијата на Водици 2016та и ја препушта на МПЦ.