Во согласност со препораката под реден број 19, која беше нотирана од страна на Комитетот за светско наследство на УНЕСКО (Сесија 41 COM 7B.34), Општина Охрид ја започна најавената акција за отстранување на рекламните билборди кои се лоцирани во делови од централното градско подрачје и на крајбрежниот потег, во должина на кејот „Македонија”.

Манифестацијата која од година во година бележи раст и го подигнува нивото во организацијата го става Охрид на мапата на маратони и полумаратони во регионот и пошироко. Заложбите на организаторите и креативниот тим  на Охрид ТрчаТ како и бројката на учесници покажуваат дека годинешното издание ќе биде своевиден спортски спектакл, беше истакнато на денешната прес конференција.

Работниците го отстрануваат полека скелето и заштитната мрежа и се открива минарето високо околу 25 метри.

Станува збор за инвентивна претстава која содржи црн хумор. Режисерот и сценографот нудат изненадување за публиката. Режијата е на Ана Батева, а играат охридските актери Стаматоски, Тодороски, Стефаноска и Кипроски. Премиерата ќе се случи на 3 јуни кога се одбележуваат и 8 години од формирањето на Охридскиот народен театар.

Тоа го покажале истражувањата на Институтот за јавно здравје и оптшинските центри за јавно здравје во земјава. Над 40 проценти од пушачите се младо возрасно население, а над  50 проценти од активните пушачи се мажи. Децата првата цигара ја палат на 11 годишна возраст. Денес се одбележува Светскиот ден без тутун,а во фокусот е здравјето на белите дробови.

Општина Охрид во рамките на одбележувањето на 5-ти Јуни- Светскиот ден на животната средина, првата  недела од месец јуни ја прогласи за „Недела на животната средина“ во која ќе бидат реализирани повеќе активности.

Општина Охрид во рамките на своите редовни активности, а согласно својата политика за примена на највисоки стандарди за заштита на животната средина, почитувајќи ја Конвенцијата на УНЕСКО за заштита на природното и културното наследство и настојувајќи да ги спроведе сите препораки од Реактивната мониторинг мисија на УНЕСКО (април 2017 г.), на  06.06.2018 година, со почеток во 11 часот, во големата сала на Општина Охрид, организира трибина за Студенчишкото блато и потребата од регулирање на пловниот сообраќај во Охридското Езеро посебно во делот на сместување на пловните објекти во организирана марина.

„Физичкото образование е еден од најбитните сегменти во севкупниот образовен процес, кој има повеќекратни позитивни ефекти врз идниот развој на младите“. – истакна Наум Јамандиев, кандидат за член на Советот на Општина Охрид.