Охрид е подготвен  за стартување на вториот меѓународен саем за туризам. Саемот ќе го посетат голем број странски туроператори од Холандија,  Германија, Турција и од земјите од опкружувањето.

Мeѓународни мозаичари и конзерватори на трета средба во Охрид .

Со свеченото отварање на вратата на охридската гимназија  се означи  и првата инвестиција во образованието, во 2009 година.

Започнува реализирањето на проектот за управување и заштита на Дримскиот басен. Петгодишната упорна работа за брзо време ќе биде крунисана со конкретни резултати. Во проектот се вклучени четирите држави низ кои минува реката Дрим.

Некоку гробови на охридските гробишта останаа недозатрупани со земја, реагираат граѓани. Од Јавното претпријатие кое управува со гробните површини посочуваат дека тоа е пропуст на приватните оператори при извршување на закопите. Додека пак трите приватни оператори кои имаат лиценца за погребување, тврдат дека уредно по сите законски прописи ги вршат погребите.

Локалната и покрај законските одредби нема одредено  локации каде ќе се постават јавни тоалети. Министерството за транспорт и врски на општините ќе им ги намали трошоците ако јавните тоалети се лоцираат на државно земјиште.

Поради сообраќајна незгода на улицата „Гоце Делчев“ граѓаните кои живеат на таа улица останаа без електрична енергија.

Успешно реализирана изградбата на детското игралиште кај поранешен „ Стобекс“ во  населбата „ Видобишта“. Но, и покрај тоа што Општина Охрид продолжува со изведба, реконструкција и изградба на детски игралишта, не престанува вандалското однесување кон јавните добра во градов.