Пајаковата мрежа од кабли на охридските улици ќе биде расчистена, најавуваат надлежните компании.

Охридскиот Црвен крст достојно го одбележа 17ти март, денот на крводарителството во Македонија. Благодарници и признанија добија сите истакнати крводарители, фирми и поединци што дале придонес во развојот и унапредувањето и омасовувањето на крводарителството во регионот на Охрид и Дебарца.

Обвиненијата од страна на Здружението за заштита на животните „Анималија“ дека ЈП „Комуналец“ во Студенчишкото блато депонира отпад за директорката на „Комуналец“, Елена Скрческа неосновани. Таа тврди дека не се фрла ѓубре во блатото. Но, кога нашата екипа сакаше да се увери во тоа на лице место не и беше дозволено да снима.

Граѓаните кои се пријавиле на постоечкиот сајт не чекаат долго за закажување на термин за вакцина. Досега не се забележани несакани ефекти кај граѓаните од примените вакцини.

Претставници на Локалната самоуправа имаа можност одблиску да ги согледаат реалните проблеми и потребата за реновирање на двата објекти на О.У. „Братство Единство. Денес во ова училиште се одржа работен состанок на кој, покрај претставниците на градската власт присуствуваа и претставници на Советот на родители и  Училишниот одбор.

„Во врска со денешното јавно излагање  за   Генералниот урбанистички план за У З. 17.1- Студенчишко блато, сакаме да ја информираме јавноста дека сопствениците на земјиштето во У З 17.1 и Месната Заедница од Рача  се согласуваат и ја поздравуваат иницијативата за урбанизација на овај дел од Охрид.“

На 20-ти март 2015 година Агенцијата за вработување на Република Македонија ќе организира Отворен ден во Центарот за вработување во Охрид.

Денес се одржа стручна расправа за Измена и дополна на Генерален урбанистички план за град Охрид за дел од повеќе урбани заедници. Студенчишкото блато и неговата судбина повторно ги разбрануваа страстите кај присутните. Од Локалната тврдат дека остатокот од блатото ќе биде заштитен и нема да се урбанизира.