Денес беа доделени социјални пакети за ранливите категории на граѓани кои ги подготвија членовите на Лајoнс клубот од Охрид. Со тоа и тие се приклучуваат кон одбележувањето на неделата на борба против гладта и акцијата која ја спроведува Црвен крст од Охрид.

Балканот старее, а  импликациите ќе се далеку сежни. Миграцијата на населението од Македонија и Балканските земји негативно ќе се одрази  врз демографслката  слика. Регионот ќе се соочи со  низок наталитет, стареење на популацијата и проблеми со работна сила. Покрај надворешната миграција во регионот се случуваат и внатрешни раселувања.

Охрид нуди идеални услови за туризам во текот на целата година, но треба да се направат добри аранжмани со пониски цени.Туристичкиот сојуз на Охрид е во преговори со приватните станоиздавачи за намалување на цените во периодот од ноември до април како во текот на целата година би имале гости, а туризмот во градов би зазел нагорен тренд.

Во Охрид се купувало со лажни апоени од 500 денари, и 100 долари, а во Дебар со фалсификувани банкноти од 50 евра. СВР Охрид добар дел од сторителите на ваквите кривични дела ги открил и поднел соодветни пријави, информира портпаролот на секторот Стефан Димоски.

Управата за јавни приходи потсетува дека можноста за поднесување на барање за отпис на камати за социјалните придонеси е до крајот на годината.

На Академијата за одржлив развој во УНЕСКО подрачја , што се одржува  во Торино, Италија, во кампот на ОН , беше преставен Охридскиот регион со две презентации за планот за управување со културното и природното наследство и за управувањето со Прекуграничниот биосферен резерват на УНЕСКО Охрид / Преспа.

Во рамките на „Охридско лето“, денеска и утре ќе се одржува „Подиумот на млади“ како предвесник на 61. фестивалско издание.

Македонската полиција  доби награда за најуспешно реализирана акција за сузбивање компјутерски криминал. Секторот за компјутерски криминалитет и дигитална форензика при Министерството за внатрешни работи на Република Македонија заедно со нивните колеги од Србија се добитници на првата награда за најуспешно реализирана акција за разбивање меѓународна криминална група што вршела нелегална терминација на меѓународен во национален телефонски сообраќај.