Науме Јованоски, поранешниот претседател на ОО на СДСМ од Охрид денес официјално објави дека претендира да биде кандидат за градоначалник на Охрид од редовите на партијата, на претстојните вонредни локални избори. Тој зборуваше за неговите проекции и визијата за натамошниот развој на Охрид како туристичка, културна, духовна метропола.

Стотина семејства од Пештани, засегнати со враќање на имотите со денационализација од авто кампот Градиште,бараат  како што велат, да се спречи криминалот и да си ги добијат имотите назад. Две децении трае нивната правна битка за враќање на имотите со кои сега стопанисуваат приватни субјекти.

„Неодговорното однесување на локалната администрација никако да запре сакајќи преку Советот на општина Охрид да протурка штетни и непримерни одлуки. Градиште е огледало на тоа како функционира целиот систем на Република Македонија.“ обвинуваат од ДПМНЕ Охрид.

На одбележувањето на Денот на градот Дубровник и заштитникот Св. Влахо, присуствуваше и в.д градоначалникот Константин Георгиески.

Премиерот Зоран Заев и министерот за транспорт и врски Горан Сугарески во работна посета на Охрид. Остварија средба со в.д градоначалникот Константин Георгиески и  одржаа  трибина со охриѓани „Силна економија шанса за сите“.  Граѓаните прашуваа за проблеми поврзани со денационалзицијата,  урбанизмот, катастарот. Премиерот порача да се чуваат природните убавини на  Охрид, а урбанистичкиот развој на градот да биде кон периферијата. 

Мартин Гоџо денеска го фати крстот кој беше положен во водите на Охридското езеро.

Не функционираат апаратите за анестезија на хируршките одделенија во охридската општа болница. Граѓаните се оставени  на милост и немилост на времето, а здравствените работници во тешка позиција без основни услови за работа обвинија денеска на прес конференција од Ок на ВМРО ДПМНЕ.

Вчера беше одбележан Светскиот ден на туризмот. Туристичкиот сектор бара поддршка од владата за да се справи со последиците од пандемијата која најсилно се одрази на овој сектор.