Од овој месец ново зголемување на социјалната и постојаната парична помош. Околу 600 корисници од Охрид во јули ќе добијат за 5% зголемена социјална парична помош. Охридскиот центар за социјални грижи бележи се помалу манипулации при изготвување на документација за остварување на правата од социјалната сфера.

Општинскиот инспекторат  вчера ги стопира градежните работи на индивидуална куќа на улицата „Климентска“. Причината е констатирање отстапки  од дадената локација и недозволено навлегување во туѓ имот.

Започна реализацијата на проектот за просторот кај некогашната библиотека. Градоначалникот Петрески тврди дека нема да има никакво отстапување од него.

Охрид со развој на концертниот туризам ќе ја продолжува туристичката сезона. Започнува фестивалот Охрид колинг. За настапите на Ники Ромеро,  Лос Фреквенси, Ал Ди Меола и Продиџи карти се купуваат не само во земјава туку спсцијално за концертите гости ќе допатуваат од Бугарија, Албанија, Србија, Грција, па дури и од Англија.Организацијата на овие музички настани е на продукциската куќа Авалон потпомогната од Локланата самоуправа.

Молејќи се за здравје и благсостојба тие запалија свеќи во малата црква изградена на самиот брег на Охридското езеро. Собраните пари ќе се донираат за доизградба на црквата кај градските гробишта.

Медицинските истражувања покажуваат дека најчест причинител за појава на рак на грлото на матката е ХПВ вирусот.

Вечерва во предворјето на црквата „Св Софија“ во рамки на фестивалот „Охридско лето“ ќе биде изведена, театарската претстава „АртОркестра“ на Националниот театар „И.Л. Карагиале“ од Букурешт, во режија на Хорија Суру. Оваа претстава најавена е како хумористична приказна во која тројца ликови се борат на непредвидливата патека до сцената.

Заменикот министер за здравство д-р Владимир Поповски, оствари средби со граѓаните од Пештани и Трпејца, како дел од  активностите на Владата за транспарентно работење.