Се известуваат сите корисници на Општинскиот линиски превоз кои  го користат Возниот ред  3/1 – линија  Охрид – Косел – Охрид  , дека  од понеделник (12.05.2019 година) првото поаѓање од овој возен ред ќе биде  во 4.55 часот од  станица Булевар „Туристичка“ – зграда Печијаре, а не во 5.00 часот како што беше досега.

Жителите на Стар град бараат летен режим на сообраќај со рампи. Ова беше истакнато од присутните на трибината која се одржа во општинската зграда. Градоначалникот Константин Георгиески ги слушна забелешките и мислењата на варошани и им го откри новото решение за летниот режим на сообраќај.

Охрид е град на Свети Климент, град на писменоста и наша цел е да биде град со најдобар стандард за образование во државата, кажа на денешната прес конференција кандидатот за градоначалник од СДСМ и Коалиција „Најдоброто за мојата општина“, Константин Георгиески. Тој се наврати на реализираните проекти изминатите две години и најави продолжување на инвестициите во образованието во нов четиригодишен мандат.

На прес конференција обвини дека политиката замешала прсти и не се почитува правната држава. Бараат итна одлука од која ќе зависат нивните понатамошни активности .

Под раководство на професорката Ирена Бачиќ, талентираните млади актери од Охрид, на овој фестивал кој и годинава има меѓународен карактер, ќе се претстават со претставата „Совршени странци“, работена по сценариото на Филипо Болоња за истоимениот филм.

Општинскиот совет за безбедност во сообраќајот на патиштата Охрид, согласно програмата за работа, во соработка со Локалната самоуправа, Министерството за образование и наука, Министерството за внатрешни работи и Републичкиот совет за безбедност во сообраќајот, заедно со учениците од основните училишта во Охрид ќе ја реализира традиционалната Општинска сообраќајно-воспитна манифестација “Детски семафор”.

На интересен и креативен начин децата од одделенска настава во училишниот двор учеа за симболите и значењето на Европската унија.

Жители на населбата Билјанини Извори повторно протестираа против изградбата на зграда на Бул Туристичка. Изградбата на 5катница ќе значи уништување на единственото зеленило во станбениот комплекс реагираат тие. Денес  побараа од градоначалникот на Охрид да ја стопира градбата. За овој случај се чека одлука од Вишиот Управен суд како последна инстанца по однос на тужбата и барњето за поништување на одобрението за градба на оваа зграда, Во моментов инвеститерот работи на терен врз основа на одобрение за подготвителни работи.