Дваесетина деца   ќе одат на летување преку Центарот за социјални работи.

Сцената „Долни Сарај“ вчеравечер беше дом за публиката на „Охридско лето“ и за актерскиот ансамбл на театар Комедија од Скопје кој ја изведе театарската претстава „Вечера за глупаци“ на текст од Францис Вебер а во режија на Ирена Стеријовска.

Со добар ментор, пливањето лесно се учи. Уште еден апел и охрабрување кон оние што се неодлучни и сеуште не знаат да пливаат, да ја посетат школата за пливање „Делфина 2012“, а останатото го знаат професионалците од тимот, кои на најлесен начин ќе ве научат да се одржите на вода.

Тешка сообраќајка во близина на Охрид. Се судрија две возила, џип марка „Порше“ и „Крајслер“. Во незгодата учествувало и едно товарно моторно возило марка „Ивеко“. Еден од повредените е префрлен на хирургија во Општа болница Охрид, а другите во специјалната болница за ортопедија и трауматологија „Св Еразмо“.

Велгоштани чествуваат значаен јубилеј, 115 години од формирањето на Првата востаничка чета во охридско, поточно во Велгошти. По тој повод утре, 7 јули, четврток, во атарот на црквата Св.Петка достојно ќе го одбележат овој значаен ден. Настанот е организиран од Месниот Комитет.

 Мобилни тоалети ќе се поставуваат на 7  локации во градот.

Повторно ќе блесне сјајот на хотел Палас. Вака  одлучија акционерите  на денешното годишно собрание. По шпекулациите во одредени медиуми дека хотел Палас ќе почне со работа на 1ви јули оваа година, ТелевизијА ТВМ ви ја пренесува точната информација за реконструкцијата и отпочнувањето со работа на овој хотелски бисер. Со реконструкцијата ќе се започне по завршувањето на оваа туристичка сезона, а првите гости  во хотелот со 5 ѕвезди се очекуваат наредната пролет

Ќе се плаќа надоместок за поставување на инсталации на патот, патниот и заштитниот појас, прекумерно користење на патот и вонреден превоз. Оваа одлука беше усвоена на последната седница на Советот на општина Охрид, меѓутоа, истата не прецизира како ќе се извршува наплатата на влез на туристичките автобуси и од кое место ќе се врши истата, реагираа дел од советниците од опозицијата.