Нашите сограѓани со муслиманска вероисповед со утринска молитва бајрам намаз, го започнаа прославувањето на гопемиот празник Курбан Бајрам. Тоа е празник на жртвата и приближување кон Бога, при што побогатите им помагаат на посиромашните. На  обичајот на принесување на курбанот присуствуваше и Градоначалникот Јован Стојаноски кој упати честитки за празникот а беше почастен со традиционалната баклава.

По втор пат искршена рампата за влез во Стар град кај Горна Порта. Со тврд предмет искршен е читачот на картички. Од ЈП Билјанини извори најавуваат дека за два дена рампата повторно ќе биде ставена во функција, а од полицијата бараат да се пронајде вандалот.

Охриѓани и пациенти од регионов повторно добиваат компјутерска рендген дијагностика на Одделот за радиологија при Општа болница Охрид. Проработе томографот кој цела година беше нефункционален поради потребата од нова рендгенска цевка.

Од ОК на ВМРО ДПМНЕ со прес конференција го критикуваше охридското здравство. Критиките се  упатени за старите и нереновирани болници, расипаните медицински апарати и вработувањето на медицински сестри во Општа болница Охрид.  

Од локалната самоуправа ги повикуваат граѓаните (физички и правни лица) кои сметаат дека невремето проследено со врнежи од дожд, град и ветер кое го зафати подрачјето на Општина Охрид во петокот, 17ти август, им има нанесено материјална штета на нивните имоти ( угостителски објекти, станбени објекти, земјоделски објекти, деловни простори и друго.) , истата да ја пријават во просториите на општина Охрид.

Отворената забавна фудбалска школа собра над двеста деца на терените на СРЦ         „ Билјанини Извори “. По петти пат охриѓанчињата  ќе се дружат и ќе  се поттикнуваат на здрави животни навики. Градот и државата треба многу малку да направат за децата масовно да  спортуваа , предлагаат професорите по спорт.

Запален автомобилот на охридскиот адвокат Мишел Наумоски. Тој пред камерата на ТВМ открива дека синоќешниот инцидент е последен во низата закани кои ги добивал. Вели дека се чуствува несигурно и очекува сторителите да бидат изнесени пред лицето на правдата.

Поради постоење основи на сомнение за сторено казнено дело „ширење на расистички и ксенофобичен материјал по пат на компјутерски систем”, СВР Охрид поднесе кривична пријава против В.Н.(36) од Штип.