Опомена од Агенцијата за храна и ветеринарство за начинот на кој општина Охрид се справува со проблемот со кучињата скитници. Градоначалникот Јован Стојаноски решението на проблемот го гледа во изградбата на регионалнен стационар како проект на  Центарот за развој на Југозападниот плански регион. Од таму оптимистичка најава дека до крајот на годинава ќе биде завршен делот со техничката документација.

Пливачката федерација на Македонија во Охрид ги  носи пливачките ѕвезди во маратонско пливање. На 10 км утре во водите на Охридското езеро ќе пливаат аргентинците  Морено и Бертола, бугаринот Ајдарски, холанѓанеоцт Шоутен. Од македонските пливачи на маратонот ќе пливаат Александар Илиевски и Евгениј Поп Ацев, а за прв пат во женска конкуренција и Ева Петровска.

Младите во Охрид заслужуваат просперитетна иднина, но со СДСМ очигледно тоа не е возможно, кажа денеска на прес конференција претседателот на унијата на млади сили на ВМРО ДПМНЕ, општински комитет Охрид. Тој обвини дека новата власт  ги укинувала реформите направени од ВМРО-ДПМНЕ а своите ветувањата кон младите не ги реализирала.

Охрид треба да биде монденско летувалиште. Асовниот туризам и концентрацијата на огромен број туристи во краток период во шпицот на сезоната остава трајни последици во градот. Ова се размислувања на туристички работници за тоа каков туризам треба да развива Охрид.

Во населбата Месокастро ќе почне да се гради рекреативна пешачка патека од Саат кулата до старото училиште Св Климент. Мештаните и туристите ќе добијат современа патека по која ќе го разгледуваат стариот дел од градот. Патеката ќе има два крака во должина од 250 и 75 метри , а за изградбата ќе бидат вложени 3 милиони денари. Парите се од проектот за рамномерен регионален развој на Југозападниот плански регион.

Состојбата во која го затекнавме градот бараше да се започне скоро од нула во средувањето  на состојбите. Го оставивте ЈП „Охридски комуналец“ во очајна состојба, а од „Мауцкер“ направивте растоварна станица на комунален отпад, реагираат од локалната на изнесеното на вчерашната прес конференција на ВМРО ДПМНЕ.

Многу често несовесни возачи ги игнорираат  сирените на амбулантните возила на итната медицинска помош. Не  даваат предност на возилата и ги  попречуваат медицинските екипи и возачите на амбулантните коли да интервенираат брзо. Дополнително амбулантните возила имаат сериозен проблем со уште понесовесни возачи кои непрописно се паркираат пред ургентниот центар. 

Приведено е 38-годишно лице од охридското село Лескоец, кај кого во неговиот дом полицијата пронашла седум стебла растенија Канабис.