Екологистите велат дека причината за ова се климатските промени и испарувањето на водата, додека пак активистите на неформалната „Охрид Сос“ со став дека големите разлики се  резултат на несоодветниот начин на регулирање на истекот на Охридското Езеро во реката Црн Дрим. Од ЕЛЕМ децидни дека испустот е на минимум, а дека состојбата постојано се следи.

Благодарение на хуманоста на сите граѓани младата Сара Настеска го започна лекувањето во специјализираната детска клиника во Германија, каде треба да и биде пресадена коскена срж, официјално објави нејзиното семејство.

На семејствата во социјален ризик им беа доделени социјално хуманитарни пакети. 70 семејства добија пакети со прехранбени артикли и хигиенски средства. Во текот на акцијата ОО ЦК и Локалната самоуправа  помогнале на голем број социјално загрозени семејства , а во рамките на можностите помагаат постојано.

ЈП Билјанини извори кое стопанисува со паркинг зоните задоволно од воведените новини во наплатата на паркирање. Со новитетите се инкасирани повеќе финансиски средства и е растеретена службата за наплата. Согледани се и сите слабости кои во иднина ќе бидат одстранети, информираат од јавното претпријатие.

Со доделување на  признанија на партнерите и поддржувачите (приватен сектор, институции, волонтери, физички лица,јавни служби и медиумите ) на завршната вечер за 2018 година, која се одржа во големата сала на Општина Охрид, Асоцијацијата за спортови „Спорт за сите-сите за Спорт“ им се заблагодари на сите за искрената поддршка во реализацијата на спортските настани Охрид трчаТ 2018 и Балканското триатлон првенство кое се реализира во партнертсво со Триатлон федерацијата на Македонија.

Големата дупка на патот Пештани-Охрид за која реагираа граѓани во рубриката „Ти си твојот град“ е санирана.

Не престануваат континуираните оштетувања на јавните тоалети поставени во централното градско подрачје. Овој пат насилно се исечени автоматите за влез во јавните тоалети поставени кај малиот плоштад  Т.Ц.АМАМ.

Месец на книгата и во Охрид со мини саем  во библиотеката Григор Прличев. Љубителите на белетристика имаат можност да купат над двеста наслови од домашни и странски автори. Саемот ќе трае пет дена , а  книгите ќе се продаваат со попуст и до педесет проценти.