Дел од сопствениците на угостителски објекти бесправно поставуваат урбана опрема на јавна површина. Пазарниот инспекторат заедно со општинскиот инспекторат и полицијата летово ќе вршат засилени контроли, а на прекршителите ќе им се изрекуваат глоби и мандатни казни. Во текот на сезоната ќе бидат ангажирани инспектори и од другите градови како би можело да се постигне да се сработи.

Финишираат градежните активности од проектот за реконструкција на улицата „Абас Емин“. Денеска се поставува првиот асфалтен слој на целиот потег на коловозот до крстосницата со улица „Железничка“, каде што комплетно беа завршени градежните активности за поставување на подземната инфраструктура.

Во петок, 10 јуни, во просториите на Библиотеката ќе  бидат промовирани изданија од едицијата „Врвови на светската филозофија, историја и психологија со психоанализа“.

Согласно Законот за заштита на населението од заразни болести, Јавната здравствена установа Центар за јавно здравје Охрид, во петок, сабота и недела (10, 11 и 12 – ти јуни) ќе спроведе теристичка (од земја ) дезинсекција против комарци.

И покрај ветувањето на Министерот за правда за работна редба со Синдикатот на УПОЗ истата не се оствари, велат од синдикатот.

Утре  четврток (9 јуни 2016) во 17:30 часот , на охридскиот аеродром „Св. Апостол Павле“ пристигнува првата група туристи од Израел со израелскиот тур-оператор „Аркиа интернационал“.

До наесен треба да завршат сите зафати на комплексот Св. Богородица Перивлепта. Интензивно се работи на конаците, а се интервенираше и на камбанаријата и на фрескоживописот во црквата. Се се прави со пари добиени од американската амбасада.

Започна екстерното тестирање во основните и средните училишта во градов. Директорите велат дека се течело во најдобар ред, а учениците имаат само некои помали забелешки кои се испратени до Државниот испитен центар. Тестирањето треба да заврши на 11ти јуни.