Охридскиот Црвен крст, како едно од своите приоритетни заложби го има ширењето на знаењата и вештините за укажување на прва помош со цел тие да бидат достапни за сите, како хуманитарен акт кој ги овластува луѓето да спасуваат животи и да помогнат во закрепнување од нагло настанати заболувања или повреди.

„На секое дете му треба семејство“. Под овај слоган денес на градскиот плоштад во Охрид  беше промовирана кампањата која треба да ги мотивира македонските граѓани да згрижуваат деца. Во моментов во Охрид има 3 згрижувачки семејства, а и уште едно има интерес да им подаде рака на децата кои немаат сопствен дом.

Субјектите од областа на културата може да аплицираат со проекти финансирани од фондовите на ЕУ.  Издвоени се 1 и пол милјарда евра за сите европски земји кои имаат пристап до фондовите на унијата. Од министерството за култура повикуваат да се искористат  средства од Програмата која ќе трае до 2020 година.

Летен филм на брод на Охридското Езеро – уникатно звучи новитетот што ќе се случи на вториот ден на „Beach Film Festival“. Денеска сите заинтересирани ќе можат да го гледаат данскиот филм “Holiday” на  бродот  “Галеб”, кој во 22 часот ќе тргне од Охрид и ќе плови кон плажата Оревче.

Со брод од Радожда до Св. Наум би била новата туристичка атракција на брегот на Охридското Езеро. Хотелската асоцијација ХОТАМ не се откажува од ваквата замисла. Со години бара бродско поврзување на секое населено место вдолж крајбрежјето.

Од локалната самоуправа реагираат на изнесеното на вчерашниот прес на ОК на ВМРО ДПМНЕ во врска со поставувањето рампи и издавањето пропусници за жителите на Стар град.

Манифестацијата „Поетска ноќ во Велестово“ годинава одбележува тридецениски јубилеј. Тридневната програма започнува утревечер на Чешмата во живописното Велестово со промоција на своевидно капитално дело, збирка на македонска поезија на 21от век.

Скопскиот Театар Комедија настапува на Охридско лето со „Мизантроп“ од Молиер. Претставата е сериозна комедија со поглед во човековата душа пишувана во 17 век, актуелна и во денешно време. Премиерната изведба на „Мизантроп“ е дело на меѓународна соработка на македонските актери со црногорски тим на театарски уметници.