Новиот Закон за зелените пазари го доведува во прашање опстојувањето на охридскиот пазар. Законот предвидува пензионерите, вработените или пак луѓе кои остваруваат некакви хонорари да не можат да продаваат производи на пазарите. Од ЈП „Градски пазар“ неодамна направиле сондажа колкав е процентот на лица кои имаат закупено тезга на охридскиот пазар, а кои според новиот закон не ќе можат да работат. Податоците се фрапантни.

Голем број граѓани се здобиле со сериозни скршеници. Од охридската итна медицинска помош апелираат повозрасните граѓани да не излегуваат без потреба на снегот и мразот.

Во овие студени зимски денови тие поставија кутии за засолнување на кучињата на повеќе  локации во градот. 

Традиционално како и секоја година и оваа на малиот плоштад кај Долна порта, се одбележа Денот на рибарите. Со рибна чорба, пача, плашици, вино, греана ракија и традиционалното капење во водите на Охридското езеро, охриѓани го прославија денот на Свети Јован.

Иван Лотески, беше најсреќен од стотината капачи кои денес запливаа во ладната езерска вода со желба да го фатат Светиот крст. 28-годишниот Иван Лотески светиот крст го фати и минатата година.

Пред да почне со својата проповед Господ Исус Христос, во околината на Јордан проповедал Јован Крстител, кој велел: Се приближува царството небесно, доаѓа очекуваниот Месија, исповедувањето е потребно за влегување во царството небесно. Исус Христос, пред да почне јавно да го проповеда своето учење, од Галилеја дојде крај Јордан и му дозволи на Јована да го крсти, поради што Јован се нарекува Крстител.

Со решение на министерот за култура за нов вршител на должност раководител на Центарот за култура „Григор Прличев“  во Охрид назначен е Зоран Пејкоски, вработен во националната установа.

Дваесетина волонтери од неколку европски земји и Македонија чистеа на видиковец на патот кон Велестово – заедничка акција на Волонтерски Центар Скопје – Volunteers Centre Skopje и Чист Охрид.