Пратеникот Цветко Грозданов ја обвини Локалната самоуправа за објавен тендер кој се коси со законските прописи.

Болеста на сиромаштијата, туберкулозата е заразна болест  која се лекува  ако се открие на време.

Сојузот на борци , локалната го пресели во некогашните бараки на Гранит. Членовите на оваа организација се жалат дека немаат основни услови за работа.

Бојата од пешачките премини кои се обележуваа само пред еден месец повторно избледе. Граѓаните се жалат дека една иста работа се прави по неколку пати. Се сомневаат во квалитетот на бојата со која се обележуваат зебрите. Од локалната пак тврдат дека тоа се висококвалитетни рефлектирачки бои и дека за оштетувањето на пешачките премини виновни се и несовесните возачи.

Општинскиот комунален инспекторат кој е еден од надлежните за спроведување на Законот за јавна чистота, нема комунални редари. Општинарите велат дека донесувањето на законот ги затекнало неподготвени.

Од денеска стапува во сила целосна забрана за движење во шумските предели, соопштија од Владата на Република Македонија. Забраната ќе трае до нејзино одповикување. Од Национален Парк Галичица, спроведувајќи ја ваквата одлука, соопштија дека преку Галичица е дозволен само транзит по асфалтниот пат без напуштање на истиот. Пожарите кои вчера избувнаа на повеќе локации низ земјава, во текот на ноќта се локализирани, но и натаму се активни и не е отстранета опасноста од нивно разгорување и проширување.

Американска компанија ќе отвара нов погон за производство на сигурносни појаси и воздушни переничиња во Охрид.  Владата најавува над 1500 нови вработувања.

Охрид ќе добие современа пешачка и велосипедска патека, на потегот од бараките на АД „Трудбеник“ до „Билјанини извори“. Веќе започнаа градежните зафати на терен. Патеката ќе се гради со пари од општината, а треба да биде комплетирана до средина на есента. Предвидени се интересни содржини кои нема да ја нарушат автентичноста на овој дел од градот кој за охриѓани има посебно значење.