Скандалозна одлука на управниот одбор на ЈП Билјанини Извори со која поскапуваат цените за паркинг.  Претпријатието во започната туристичка сезона планира  проширување на зоната каде паркирањето најскапо се наплатува и наплата на паркинг на улици каде таква услуга никогаш немало, обвинија денеска од ОК на ВМРО ДПМНЕ охрид.

Спроведувањето на акциите и мерките кои произлегуваат од одлуката на Комитетот за светско наследство на УНЕСКО, а кои се однесуваат на Охридскиот регион и на црногорскиот град Котор ги седнаа министрите на  Македонија, Црна Гора и на Албанија на иста маса. Процесот нема да се одвива многу брзо, но позитивна страна е што работите веќе се движат во позитивен правец.

Колекторскиот сиситем на Охридското Езеро е во колапс. Пречистителната станица во Враништа и пумпните станици не функционираат и  претставуваат еколошка бомба.  Општините Охрид и Струга очекуваат  Владата да го ревитализира  постојниот колекторски сиситем или да изгради нов. Денес се одбележаа  светскиот ден  за заштита на животната средина и  3 децении  од пушатање во употреба на  колекторскиот систем за заштита на Охридското Езеро од отпадни води, кој е во критична состојба.

157 полски туристи пристигнаа во Охрид со првиот сезонски лет од Варшава. 3000 гости ова лето ќе го посетат Охрид преку аранжмните на тур-операторот „Rainbow , еден од двата најголеми полски тур-оператори.  ТАВ Македонија континуирано ја проширува мрежата на рутите до  охридскиот аеродром  додавајќи ја на фрекфетна летна сезона и дирекната линија Варшава Охрид која заедно со онаа од Катовице ќе донесе летово 9000 полски туристи на охридската ривиера.

Охридскиот  Народен театар прослави  7 години  професионално постоење.  Во изминатите години успешно чекори  во нагорна линија. Актерите одиграле  26 премиери , а плановите за иднина се големи . Меѓу нив се подобрување на условите за работа и заложбата за изградба на современ театарски  објект.

Над илајда тркачи од 10 држави ќе трчаат на спортската манифестација Охрид трчат. Во  недела на 3 јуни на 5 и 10 км ќе трчаат спортисти, рекреативци, политичари, музичари. Организаторите упатуваат апел охриѓани и туристите да имаат разбирање за двочасовното затварање на градските улици во централното градско подрачје. Воедно бараат од сопствениците на возилата на  улиците на кои ќе се одржува градската трка да нема паркирани автомобили.

Поради изведување на градежни активности (минирање, бушење на косини на пат во двата правци) на патниот правец А2 Кичево-Охрид, на делницата Пресека-село Песочан, денеска ќе има прекин во сообраќајот од 15-20 минути, во периодот помеѓу 11:00 и 14:00 часот, информираат од АМСМ.

Проектиран документарниот филм „ До инклузија – со соработка “ снимен со ученици во ОУ Св. Климент Охридски. Едукативен филм, полн со силни емоции од кој другите училишта треба да извлечат искуство за вклучување во образовниот процес на децата со различности. Николина Новакоска, ученичка од ова училиште е главниот протагонист.