„Мој Охрид, чист Охрид“. На 9ти јуни охриѓани ќе го чистат крајбрежниот појас од Воска до Пештани, во пресрет на главната туристичка сезона. Организаторот, менаџерот на охридското Супер радио, Сашо Митаноски повикува на масовен одзив на охриѓани бидејќи чистата животна средина е за доброто на сите нас.

Високиот водостој на Охридското езеро  им прави големи штети на угостителите и жителите на крабрежјето. Подолг временски период и при мртов бран се поплавуваат терасите и се подлокува земјиштето и се нарушува стабилноста на куќите. Загрижените угостители и граѓани апелираат Елем веднаш да ги отвори испустите и да ја почитува законски пропишаната висина на квотата на водостојот. 

Бројни охриѓани, но и гости  од земјава и странство синоќа уживаа во концертот на неповторливиот Горан Трајкоски, што се одржа на градскиот плоштад во Охрид. На концертот беа изведени дела од неговиот најнов проект „Тешкиот глас на новите химни“.

Градоначалникот Јован Стојаноски, денеска имаше средба со делегација од градовите Тутлинген и Меринген од германската покраина Баденвитенберг, предводена од  Клингештајн  Хервиг градоначалник на Меринген

Делегација на Република Словачка, предводена од амбасадорот на Република Словачка во Република Македонија, Н.Е. Хенрик Маркуш, во придружба на потпретседателот на Жилинскиот самоуправен регион, Милан Лауренчик, генерелниот викар на епархијата на Жилина, како и градоначалникот на Терхова, Јозеф Давидик и директорот на градскиот културен центар Терхова, оствари средба со градоначалникот на Охрид, Јован Стојаноски.

Почитувани сограѓани и припадници на влашката етничка заедница во Република Македонија,
Прославувањето на Националниот ден на Власите како празник, претставува симбол за почит кон Влашката култура и Влашкото малцинство што живее на овие простори.- стои во честитката на градоначалникот, Јован Стојаноски.

Времето денеска во Охрид ќе биде сончево и топло со мала до умерена локална облачност. Ќе дува слаб ветер од северен правец.

Елена Мошуц, светската оперска дива ќе го отвори 58то издание на Фестивалот Охридско лето. Со настапот на Мошуц продолжува традицијата најголемите светски ѕвезди да настапат на отварањето ма овој реномиран фестивал. Селекторите кажаа дека со понудената програма и ексклузивните уметници, Охрид ова лето ќе стане  вистинска културна метропола.