Теквондо клубот ХВА РАНГ ИТФ Лескоец-Охрид, од денеска па до 27.05 2018 ќе учествува на меѓународен теквондо ИТФ “А Класа” турнир “ЗВОРНИК ОПЕН 2018” во Зворник, Бих, кој е еден од најпрестижните турнири во југоисточна Европа.

130 моторциклисти-членови на Меѓународната полициска асоцијација од  Македонија, Србија, Црна Гора, Хрватска и Словенија, денеска доаѓаат во Охрид.

Денот на сесловенските просветители, Светите Кирил и Методиј, Охрид го одбележа со низа настани и концерти.П ред споменикот на Светите браќа во градскиот парк беше положено свежо цвеќе, а беа доделени и наградите за најдобрите ученици од основните и средните училишта. Во Домот на култура во населбата Кошишта се одржа Панихида за Светите браќа Кирил и Методиј, а Градоначалникот Јован Стојаноски ја искористи приликата да ги открие плановите на Локалната за реконструкција на Домот.

Охридските хотели покажаа големо срце. Во рамки на групата бесплатно сместување во Македонија и превозници со големо срце, годинава зголемен е бројот на хотелиери кои понудија бесплатен одмор за ранливата категорија на граѓани од нашата земја.

Наскоро ќе следува  реконструкција на дрвените скали  на Античкиот театар. Приодот до театaрот е затворен скоро 5 месеци од пред Новогодишните празници. Сега НУ Завод и музеј ќе ги поправа во соработка со градот.

Поради одржување на претстојната Меѓународна вежба NATO EADRCC (Евроатлански центар за координација на одговор при катастрофи), која ќе се реализира Охрид, во периодот од 20-ти до 25-ти септември 2021 година, ќе биде целосно затворена за сообраќај улицата „Кленоец“ во делот кој поминува низ Касарна и тоа во периодот од 17-ти до 24-ти септември.

По повод празникот „Слегување на Светиот Дух – Духовден (Св.Троица) – Педесетница“, на 27-ми мај, недела, со почеток во 9.00 часот, во црквата „Света Троица“ (населба Црногорци), ќе се служи света архиерејска литургија, на која ќе чиноначалствува неговото високопреосвештенство митрополитот Дебарско-кичевски и администратор Австралиско – сиднејски г.Тимотеј.

Охриѓани пред уште еден хуманитарен предизвик за помош на 11 годишна наша сограѓанка која боледува од леукемија и потребно е да и се изврши итен оперативен зафат за пресадување на коскена срж. За операцијата која ќе се изведува во Германија  потребни се финансиски средства.