Намален бројот на гости во изминатата летна туристичка сезона 2014, а зголемен е прометот во угостителските објекти. Турските гости според статистичките податоци кои денес ги обелодена ТЛЕР најбројни, веднаш после нив Холанѓаните.

Во градинката Лихнида се одржа аукција на рачно изработени кукли.

Од Ј.П.”Охридски Комуналец” информираат дека утре, 18- ти октомври, се организира акција за подигнување на кабаст отпад(душеци, стар мебел, телевизори, шпорети, теписони и др.) во урбана заедница „ Даме Груев“ и урбана заедница „ Горна Влашка Мала“ (комплекс згради „Христо Узунов“ , „ Карабегобамала“ и „Горна Влашка Мала“).

Седма година по ред Лајонс Клубот „Десарети“ од Охрид додели 30 пакети на охридските семејства кои се под социјален ризик. Од таму повикаа и другите институции во градов да се приклучат во еден вид социјален активизам со цел се помогне на оние на кои што им е најпотребна помош.

Охридските ракометари утре ќе ги продолжат натпреварите во ракометниот плејоф, кои што беа одложени поради трагичната смрт на репрезентативниот голман и нивни соиграч, Никола Даниловски.

За кампањата Недела за борба  против гладот донираа охридскиот градоначалник и неговите соработници.

На малото пристаниште  ќе се гради угостителски објект.

Министерството за животна средина и просторно планирање на РМ и Асоцијацијата „Ајде Македонија“ на 18.10.2014 година ја организираат Националната акција за чистање „Македонија без отпад 2014“. Општина Охрид и ЈП„Охридски Комуналец“ за таа цел на паркингот пред ресторан „Европа“ ќе постават контејнер за собирање на отпад од електрична и електронска опрема.