Според официјалниот ценовник на ЈП Билјанини Извори за првиот час паркинг во зона А се плаќа 30 денари, а секој нареден час чини 20 денари. Но има примери кога граѓани и за вториот или третиот час паркинг морале да ја платат повисоката цена.

Живот помеѓу центарот на модата Париз и балканскиот бисер-нашиот Охрид. Ова е изборот во кој за Тамара Филчоски, родена французинка, а македонска невеста, победник е токму Охрид. Во Македонија за неа животот е релаксиран и луѓето имаат време за се. А токму во нашиот град, во ОУ „Христо Узунов“ денес беа одбележани деновите на франкофонијата.

Редовни состаноци на занаетчиите со локалните власти, организирање на занаетчиски изложбени базари, царински олеснувања, кратење на процедурите за добивање државна помош. Ова се само дел од идеите на занаетчиите за тоа како да се работи на повторна популаризација на голем број занаети наспроти оние кои за жал веќе не постојат.

Дела од врвни ликовни уметници стојат во депоата во градов, далеку од очите на јавноста. Охрид нема простор во кој постојано би се поставиле овие дела. Уметниците сметаат дека со ликовна градска галерија би се зголемила ликовната култура, а во исто време би се привлекле и повеќе гости. Од локалната размислуваат кој е најдобриот простор за една ваква галерија.

Градоначалникот Константин Георгиески и претседателот на Владата на Македонија, Зоран Заев денеска на пригоден настан официјално ја пуштија во употреба комплетно реконстуираната улица „15-ти Корпус“.

Локалната со нови методи на работа им дава финансиска инјекција на јавните претпријатија во градов. Како резултат на тоа во изминатите три години платите редовно се исплатуваат. Поради домаќинското работење и намалените трошоци за репрезентација, наградени се и директорите.

Охриѓани се повеќе се свртуваат кон  здрав начин на исхрана.

Првите гости во хотел Даљан и Извиднички центар Охрид пристигнуваат утре. Секако дека домаќините на угостителските капацитети се подготвени да ги дочекаат, но нивните барања и апели да се подобри патната инфраструктура и целосно да се санира свлечиштето на реката Даљан, на овој потег на влезот од Струга, засега не вродија со плод.