„Тоа што е уништено со децении наназад, а посебно во последните 11 години од владеењето на ВМРО –ДПМНЕ, со целото мегаломанство и целата негрижа, навистина е мал периодот за да се врати се во нормала“, рече премиерот Зоран Заев при денешната посета на Охрид.

Неразграничувањето на надлежностите на градежните инспектори, на локално и државно ниво, повикувањето на членови и од Законот за градење и од Законот за Охрид, создаваат хаос во инспекцискиот надзор, а на урбаното дивеење ни од далеку не му се гледа крајот. Пријавите и предметите за бесправно градење се препраќаат напред назад помеѓу општинскиот и државниот градежен инспекторат, а во меѓувреме прекршителите си градат, доградуваат и надградуваат.

„Асоцијацијата Спорт за сите, сите за спорт“ со низа активности  го одбележа денешниот меѓународен ден на спортот. Тие сакаат секој ден да го направат ден на спортот и ќе се потрудат да понудат многу содржини од рекреативен карактер  и врвен спорт во градов.

Охриѓанчињата од градинките  се вклучија во  одбележување на  Меѓународниот ден на спортoт.

Во Македонија од заостанати експлозивни направи од Втората светска војна, настрадале многу наши сограѓани. Денес цивилните инвалиди здружени во Национален Совет, традиционално по 40 ти пат го одбележуваат 6 ти април. Од таму до сите граѓани апелираатваат доколку дојдат во допир со непознат предмет, да не го пипаат туку да го пријават во најблиската полициска станица.

„Џган“ е новиот македонски дебитански игран филм на Вардан Тозија, кој охриѓани имаа можност да го погледнат вчера во ЦК „Григор Прличев“. Главните улоги ги толкуваат Мартин Ѓоргоски, Дениз Абдула и Никола Ристановски.

Законот за вршење угостителска дејност претрпе измени во корист на приватните станоиздавачи. Им се овозможи на приватните станоиздавачи кои се наоѓаат под ист покрив да можат легално да ги издаваат леглата. Ова е резултат на едногодишната борба на Локалната самоуправа и ТЛЕР, со подршка на Агенцијата за поддршка и промоција на туризмот, Министерството за економија, а најмногу на  залагањето на охридските пратеници.

Реакција за отчетот на градоначалникот Никола Бакрачески и низа обвинувања, изнесоа охридските социјалдемократи на денешната прес конференција. Тие на позицијата и порачаа, дека времето на Никола Груевски и Никола Бакрачески поминало и дека доаѓало времето на соочување со одговорноста за криминалното владеење. Од таму кажаа дека вистинскиот отчет ВМРО-ДПМНЕ ќе го добијат по демократските избори, кога ќе се соочат со одговорноста за криминалното владеење во изминатите 10 години, на штета на граѓаните.