Банско, Боровец, Бугарија и Копаоник Србија, се најатрактивните скијачки центри каде охриѓани одлучиле да зимуваат. Додека пак неодоливиот Истанбул е најбараната дестинација за новогодишните празници. Охридските туристички агенции со полни раце работа и понуди за сечиј џеб.

Во Охрид се помалку се краде електрична енергија. Нашиов град само до пред една година беше на врвот на листата по случаи на неовластенo користењe на електричната енергија, но по се изгледа многубројните мерки, а пред се затворските казни за крадците вродија со плод.

Охридските актери во овој момент го живеаат својот сон и релизираната  желба градот на културата да има театраски храм. За тоа се заслужни бројни ентузијасти актери и  аматери  кои макотрпно работеле со децении претходно, за денес да функционира Охридскиот народен театар. 

Авто- мото сојузот на Македонија информира дека на планинскиот превој Стража има појава на магла и дека видливоста е до 100 метри.

ОУ „Св.Климент Охридски“ го одбележа својот патронен празник. Оваа година многубројните присутни имаа можност час и половина да уживаат во мјузикл во кој учествува ученици од второ до деветто одделение. Подготовките биле напорни нио трудот се исплатил, рече директорот на училиштето Јордан Пуроски.

Климентовата повелба постхумно доделена на Слободан Крлески.

Годишното собрание треба се одржи на 26-ти декември 2014 година во деловните простории на фабриката во Охрид, а ќе се разгледува и усвојува годишната сметка, финансиските извештаи и годишниот извештај на „ЕМО“ за 2013 година.

Ј.П.„Охридски Комуналец”-Охрид ги известува граѓаните на Општина Охрид дека на ден 06.12.2014 год.(сабота) ќе организира акција за подигнување отпад од уредување на дворни површини и градини (гранки, трева, жива града и др.) во У.З.11 „Видобишта“.