„Гастромак“ ги собра гастрономите од Македонија на едно место. Од неодамна се формира оваа асоцијација преку која гастрономите многу полесно ќе ги решаваат проблемите, но ќе имаат и можност да посетуваат разни курсеви, семинари и да разменуваат искуства од областа на кулинарството со нивните колеги од странство. Посебен акцент е ставен на гастрономите од Охрид како најголем туристички центар во Македонија.

Локалната самоуправа вложи 16 милиони денари за уредување на населбите Воска и Даљан. За прв пат изграден е нов систем за собирање и одведување на атмосферски води со колектор и испусна градба. Како што пренесе првиот човек на градот Никола Бакрачески, со тоа е решен деценискиот проблем, а исто така се асфалтираа улици, а се уреди и тротоарската површина.

Шарени чорапи денес облекоа жените од Лајонс клубот „Деница“ за да го одбележат светскиот ден на лицата со Даунов синдром. Нивната порака е сите барем за миг  да се запрашаме дали правиме доволно како поединци и општество за овие лица.

Канаѓанката Маргарет Етвуд годинешен лауреат на Златниот венец на СВП.

Локалната самоуправа нема слух за развој на училишниот спорт, тврди советникот од ВМРО НП Јоне Станкоски. Тој вели дека потребни се многу малку пари за да се направат училишни лиги, но општината во текот на оваа година нема префрлено ниту денар за таа намена. Од локалната велат дека средства од буџетот за 2016та за оваа намена се издвоени и дека тие во секој момент можат да бидат префрлени на  училиштата.

Советот на Општина Охрид со 14 гласа „За“ ја прифати Предлог – Одлуката за долгорочно задолжување на Општина Охрид, со цел нејзино конечно раздолжување.

 Охриѓанчињата од градинката Јасна Ристеска го поздравија доаѓањето на пролетта.

Локалната самоуправа дополнително ќе ги изработува проектите по што ќе биде утврдено и колкави средства ќе бидат потребни.