Од денес до 22-ри јули Охрид ќе биде домаќин на првото издание на фестивалот на нов европски филм „Beach film festival“.

Пет девојчиња кои биле качени на педалинка ќе настрадале во близина на плажата Немо. Овие реквизитите за забава во вода сеуште преставуваат најголема опасност во летниот период. Тие не се ставени под законска контрола, а капачите многу често вршат претовар или пак се качуваат на педалинка без задолжителните елеци за спасување. Додека не се донесе закон со кој ќе се регулира користењето на овие реквизити на вода се апелира до инспекциските служби и до полицијата да бидат побудни и поригорозни во контролите.

Жителите на Стар град не бараа рампи и не се должни да плаќаат за картички, кажа Кирил Пецаков од ВМРО ДПМНЕ на денешната прес конференција. Од ОК на ВМРО ДПМНЕ бараат Градоначалникот да го поништи решението. Обвинуваат дека зонското пракирање и режимот на сообраќај во стариот дел на градот се избрзани проекти со низа недостатоци.  

Јане Петков, кој постави гинисов рекорд на Охридското езеро и стана познат како човекот амфибија кој плива со врзани раце и нозе со ланци и во вреќа им  откри на охриѓани дел од тајните кои му помагаат при неговите подвизи. Петков  открива дека практикува јога, вештини на користење на мислата и концентрацијата. Планира да отвори училиште за млади на кои ќе им го пренесе знаењето за да постигнат резулатати во  спортот и да го сочуваат своето здравје. 

Уште една природна реткост ќе се искористи за туристички цели. Поствулканската појава Дувало ќе се заштити и  ќе се промовира со цел истата во иднина да стане атрактивна туристичка дестинација. Проектот, кој се спроведува од страна на Здружението за одржлив развој “Синиот Проект” од Охрид, е дел од Програмата за подобрување со управувањето на заштитените подрачја, финансирана од Европската унија, а имплементирана од Програмата за развој на Обединетите нации во партнерство со Министерството за животна средина и просторно планирање.

Едно охридско семејство пријавено за да згрижи деца без родителска грижа. Засега има само неколку семејства кои згрижиле девет дечиња на различна возраст. Во тек е владина кампања која ги мотивира граѓаните да згрижат деца  кои се лишени од  топлината на семејниот дом.   

И покрај сите наши напори и заложби на секој можен начин, за жал добивме одговор дека имаме забрана да присуствуваме на утрешното дерби помеѓу екипите на РК „Охрид“ и РК „Струга“, објавија на официјалниот профил од навивачката група „Рибари“ од Охрид.

Во  Завод и музеј во пораст се приходите од продадени влезници во Самоилова тврдина и во Заливот на коските. Според остварениот приход од посетите на културно- историските локалитети  првото место го држи Самоилова тврдина. Во иднина , институцијата има намера  трендот на растечките приходи да го стимулира со осмислување на  нови содржини.