Холандски студенти ќе го промовираат Охрид. На нивните видео записи веќе ги има туристичките потенцијали на земјава, со цел да ја понудат оваа дестинација на странскиот пазар. Најдобрите од нив ќе станат амбасадори на Македонија

Зеленчукот и овошјето од голем број маркети и продавници, изложено на улица. Граѓаните се жалат дека јадеме патлиџани и пиперки со олово. Од Организацијата на потрошувачи на Македонија апелираат да ги пријавууваат ваквите случаи како надлежните институции би можеле да преземат мерки.

После крпењето ударни дупки во централното градско подрачје на Охрид, следува, акција за крпење на ударни дупки на периферијата, најавуваат од Секторот за комунални дејности сообраќај и улици. Тоа е повеќе од потребно бидејќи трпението на учесниците во сообраќајот попушта, а посебно на такси превозниците кои велат дека колите ги искршиле по големите ударни дупки кои на некои места се по средина на коловозната лента.

25 000 туристи од Бенелукс наредниве три години ќе бидат редовни гости во хотелите Метропол, Турист, Силекс, Десарет, Дипломат, Дрим. Београд, Изгрев и Макпетрол. Хотелиерите од охридско струшкиот регион неодамна беа во посета на Амстердам Холандија, каде што го потпишаа новиот три годишен договор.

Поради минирање, сообраќајот на патниот правец Кичево-Охрид кај Пресека, денес во периодот од 13:00 до 15:00 часот ќе биде во прекин 15 до 20 минути, соопштија од Авто-мото сојузот на Македонија.

Охридските советници изгласаа уште една одлука за плаќање на долгот на основното училиште Григор Прличев кон ЕВН. И покрај зеленото светло кое го доби одлуката, советниците од опозицијата реагираа дека со ова само се третираат последиците од проблемот, а не се изнаоѓа трајно решение на истиот. Секретарот на општината пак, Димитар Спасески со уверување дека локалната работи максимално посветено на трајно решение на проблемот.

Локалната самоуправа ќе аплицира за четири проекти преку програмите за прекугранична соработка со Грција. Денес истите добија зелено светло од советот на општината, а се однесуваат на водени еко тематски менаџмент активности, историска мрежа на златни спортски медали, интеррегионално управување со културното наследство преку електронски систем како и здравствени и социјални услуги за стари лица и деца и нивна превенција. Иако истите беа поддржани како позитивни, опозицијата не ги прифати бидејќи според нив не може да гласаат проекти за кои немаат никакви информации.

По претходно распишан конкурс, Општина Охрид доделува ученички, студентски, како и стипендии за лица запишани на магистерски и докторски студии на државните и приватните училишта и универзитети во Р. Македонија, а се однесуваат на лица со ретки болести и посебни потреби во Општина Охрид.