Од МЈП „Проаква“ информираат дека поради изведба на нова водоводна линија, денесво периодот од 08.30 до 13.30 часот ќе има прекин во водоснабдувањето на дел од булеварот „Туристичка“ и тоа од пресекот со ул.„ Јане Сандански“ до пресекот со ул.„ Даме Груев“.

Турската амбасада во Македонија „на најсилен начин го осудува“ синоќешниот недоличен израз на главниот и одговорен уредник на Сител телевизија Драган Павловиќ Латас кон турски народ.

Градоначалникот на Охрид, Константин Георгиески упати честитка по повод големиот муслимански празник Курбан – Бајрам до сите охриѓани од исламска вероисповед и до Исламската верска заедница во државава со желби празникот да го минат во добро здравје и убаво расположение.

Градоначалникот Бакрачески ветува дека во содејство со сите надлежни институции ќе пристапат кон целосно решавање на овој горлив проблем за Охриѓани.

На Булевар Туристичка се поставуваат полиетиленски водоводни цевки.

30 пловидбени знаци украдени на потегот од струшко Радожда до Љубаништа. Несовесни граѓани за 2000 евра ја оштетија Капетанија на пристаништата на Република Македонија. Од капетанија велат дека поднесена е соодветна пријава до СВР и очекуваат во најскоро време да бидат откриени сторителите.

Часовите за детски приказни по англиски јазик, кај децата од мали нозе ја будат љубовта кон книгата. Утре во просториите на Црвениот крст има отворен ден, каде сите заинтересирани родители од 15 до 19 часот можат да се сретнат со тимот волонтери кој ја води програмата, час за деца по англиски јазик и да аплицираат за нивните деца со цел да бидат дел од оваа интересна програма.

Во зависност од временските услови и вегетациониот период на растителниот свет во Охридското Езеро,  екипите на Ј.П.”Охридски Комуналец” редовно спроведуваат акции за чистење на крајбрежниот појас по градскиот кеј.