Од утре до 28 јули во Трпејца во организација на Здружението „За Трпејца со љубов“ ќе се оджи десеттото Културно – забавно лето „На зајдисонце“.

Се зголемува бројот на заболени од грип во охридскиот регион и во општина Дебрца. Но, од Центарот за јавно здравје кажуваат дека тој не е алармантен. Во споредба со овој период минатата година тој е за 20 пациенти помал. Но, сепак препораките за заштита од ова заразно заболување остануваат и понатака.

„Превенција од провални кражби и разбојништва во златари и менувачници“  е темата на трибината што, по иницијатива на СВР Охрид ќе се одржи утре напладне во големата сала на општина Охрид.

Министерството за труд и социјална политика соопштува дека согласно со Законот за празниците на Република Македонија, среда 27-ми јануари 2016 година, се одбележува православниот празник „Свети Сава“.

Собранието на Регионалната занаетчиска комора Охрид согласно чл.24 ст.5од Статутот на Регионалната занаетчиска комора Охрид распишува избори  за избор на членови на Собранието на Комората.

Изградбата на експресниот пат на Галичица неприфатлив проект за ВМРО НП. Тие велат дека позади него се кријат мегаломанските апетити на некои моќници од владеачката партија, при тоа не гледајќи го интересот на граѓаните. Бараат Владата на ВМРО-ДПМНЕ,  да ги повлече предлог проектите и да ја запре веќе започнатата постапка за Измени на планот за управување со Националниот парк Галичица.

Свр Охрид поднесе кривична пријава против струшкиот градоначалник, Зијадин Села. Пријавата е поднесена поради постоење основи на сомнение за сторено казнено дело “злоупотреба на службена положба и овластување“ Села смета дека нема никаков основ за ваква пријава и дека се се прави претенциозно.

Во водата во Билјанини извори пак повторно присутна бактеријата ешерихија коли.